Муштзани соҳибноми кишвар, иштирокчии Бозиҳои олимпии Токио-2020 — Шаббос Негматуллоев дар аввалин мусобиқаи байналмилалӣ оид ба бокси «Ҷоми Элорда » дар шаҳри Нурсултони Қазоқистон медали биринҷӣ гирифт.
Мусобиқа бо иштироки варзишгарон аз 10 давлат , 30-юми июн шуруъ гардида, фардо , 5 -уми июл ба анҷом мерасад.
Шаббос Негматуллоев дар вазни -80 кг дар муҳорибаи аввалаш намояндаи кишвари мизбон Баиржан Баигоншеков, дар чорякфинал варзишгари Куба — Салгадо Брайан Леонро мағлуб кард, вале дар нимфинал аз Танглатиан Аербекеи чинӣ шикаст хӯрда, ҷои сеюмро ишғол кард.
Варзишгари дигарамон, Хусравхон Раҳимов дар вазни 57 кг дар даври аввал аз варзишгари ӯзбекистонӣ Дилшод Абдумуродов сарафканда гардид.
Манбаъ: ВАРЗИШ-ТВ
Нет комментариев