«Шабе дар осорхона» фарогири ҳунарҳои дастии мардумӣ, рассомӣ, намоиши либосҳои арӯсӣ ва аксҳои беҳтарин буд

0
79 просмотров

Шоми дирӯз дар Осорхонаи миллии Тоҷикистон  бахшида ба Рӯзи умумиҷаҳонии осорхонаҳо барномаи  фарҳангию фароғатии «Шабе дар осорхона»  баргузор гардид. Барномаи  фарҳангию фароғатии «Шабе дар осорхона» яке аз иқдомҳои байналмилали осорхонаҳои ҷаҳон буда, он бори аввал  дар Тоҷикистон  пас аз ба истифода додани Осорхонаи миллии Тоҷикистон соли 2013  доир  шуда  буд. Дар ҳамоиши фарҳангию фароғатии «Шабе дар осорхона»  13 барнома, аз ҷумла озмуни қироати шеър «Донояк», намоиши ҳунарҳои дастии мардумӣ, намоиши либоси арӯсӣ, озмуни акси беҳтарин, рангу бор намудани нақши ҷонварон, ҳунари рассомӣ ва аз коғаз омода намудани бозичаҳо доир гардид.  Ҳамчунин дар қисмати шимолу шарқии осорхона филми  ҳуҷчатӣ таҳти унвони «Тоҷикистон — кишвар  обҳои равонбахш»  пешниҳоди тамошобинон гардид. Барномаи   фарҳангию фароғатии «Шабе дар осорхона» бо мақсади  ҷалби ҷомеаи шаҳрвандӣ ба  таъриху фарҳанги кишвар, боло бурдани  ҳисси ватандӯстиву худшиносии миллӣ ва бедор намудани ифтихори ватандорӣ дар ниҳоди насли наврас ва ҷавон  бо дастгирии  Дастгоҳи иҷроияи Президенти Ҷумҳурии Тоҷикистон,  Мақомоти иҷроияи ҳокимияти давлатии шаҳри Душанбе, Маркази дилхушиии кӯдаконаи «Мадагаскар»  ва дигар марказҳои  ҳунарию илмӣ роҳандозӣ шудааст. Ёдовар мешавем, ки  ҳамасола 18 май  Рӯзи байналмилали  осорхонаҳо  (International Museum Day) ҷашн гирифта мешавад ва аз соли 1978 инҷониб 150 давлати ҷаҳон ин рӯзро таҷлил менамоянд.

2 3 4 5 6 7 8 9 10

Манбаъ: www.khovar.tj

Нет комментариев

Также рекомендуем