Шабнам сурудашро бо Юлдуз Усмонова нашр кард

0
210 просмотров

Шабнами Сурайё, овозхони тоҷик суруди муштарак бо ҳамтои узбакистонияш Юлдуз Усмоноваро зери унвони “Tarolla Dalli” пешниҳоди мухлисон кардааст
Қаблан Шабнами Сурайё хабар дода буд, ки ба зудӣ суруди “Дугонагӣ”, ки бо ҳамроҳии устоди санъат Юлдуз Усмонова сабт шудааст, пешниҳоди мухлисон мегардад. Ин сурудро дар соатҳои аввали нашраш дар саҳифаи Шабнами Сурайё беш аз 15 ҳазор нафар гӯш кардаанд.

Юлуз Усмонова моҳи апрели соли равон бо сафари ҳунарӣ дар Тоҷикистон қарор дошт ва зимни бархе аз ҳунарнамоиҳо, ӯро ҳамтои тоҷикаш Шабнами Сурайё ҳамроҳӣ мекард. Усмонова дар Душанбе зимни даъвати Шабнам ба саҳна гуфт, ин духтар чеҳраи халқи тоҷик мебошад.

“Шабнамҷон, ин ҷо биё. Ман ин зан, духтарро бисёр дӯст медорам, ин чеҳраи халқи Тоҷикистон аст. Ман ҳамеша мегӯям, ки худиҳоро эҳтиёт кунед”, — изҳор дошт Усмонова.

Шабнами Сурайё аз Усмонова устод ва маликаи санъат ном бурда, гуфт бо ӯ ифтихор дораду миннатдор аст.

“Пеши ҳамаи шумо ва Устоди санъат сари таъзим фуруд меорам. Аз шодӣ намедонам, чӣ гӯям. Апаи Юлдузҷон, хуш омадед! Тоҷикистон шуморо дӯст медорад”, — изҳор дошт Шабнам
Манбаъ: https://sputnik-tj.com/culture/

Нет комментариев

Также рекомендуем

73-юмин солгарди Рӯзи Ғалаба муборак!

Дар таърихи инсоният санаҳое ҳастанд, ки бо гузашти солҳо аҳамият ва бузургии онҳо боз ҳам бештар аён мегарданд. Рӯзи Ғалаба ҳам дар радифи ҳамин гуна ...
%d такие блоггеры, как:

Сообщить об опечатке

Текст, который будет отправлен нашим редакторам: