Шабнаму «Падида» ӯзбеконро тасхир намуданд

0
1 973 просмотров

Овозхони шинохтаи эстрадаи тоҷик ва ансамбли рақсии «Падида» бо ҳунарнамоии худ иштирокчиёни фестивали «Бойсун баҳори»-ро дар Ӯзбекистон ба ваҷд оварданд.

Дар ноҳияи Бойсуни вилояти Сурхондарёи Ӯзбекистон рӯзҳои 28-29 апрел фестивали анъанавии байнулмилалии фолклории кушоди «Бойсун баҳори» доир гардид.

Дар фестивал гурӯҳҳои фолклорӣ, ҳофизон, бахши-оқинҳо, олимони фолклоршинос аз минтақаҳои Ӯзбекистон ширкат варзиданд.

Бо даъвати ҷониби Ӯзбекистон дар ҷашнвора шахсони расмӣ аз вилояти Хатлон ва шаҳри Турсунзода низ ҳузур доштанд.

Дар мавзеи Паданг дар ин фестивал наздики 40 ҳазор нафар тамошобинон иштирок карданд, ки миёни онҳо бисёр меҳмонони хориҷӣ ҳузур доштанд.

Қобили зикр аст, ки соли 2001 ЮНЕСКО дар қатори 19 минтақаҳои дигаи ҷаҳон Фазои фарҳангии ноҳияи Бойсунро ба феҳристи «Шоҳкориҳои мероси шифоҳӣ ва ғайримоддии инсоният» шомил кард.

Пеш аз оғози фестивал панҷ аэростат ба фазо сар дода шуд, ки дар ҳавои майдон ба парвоз омаданд. Дар ин ҷо фурӯшгоҳҳои гуногун, саҳнаҳо барои ҳунарнамоӣ, бозиҳои миллӣ ташкил крада шуданд.

Дар қатори гурӯҳҳои фолклории Ӯзбекистон санъату ҳунари худро меҳмонони хориҷӣ низ намоиш доданд. Ҳунарнамоии ансамбли «Падида» ва овозхонии Шабнами Сурайёро тамошобинон хеле хуб истиқбол карданд. Фестивал бо овозхонии Ҳунарманди халқии Ӯзбекистон Юлдуз Усмонова хотима ёфт.

Манбаъ: Сомонаи расмии АИ «Азия плюс»

Нет комментариев

Также рекомендуем

Барои навсозиҳои “гаронвазн”, аъзоён аз болои ширкати Apple ба суд муроҷиат карданд

Ҳаҷми хотираи оперативӣ, ки барои насби нусхаи навбатии iOS ҳатмӣ мебошад, барои нигоҳдории маълумотҳои шахсии соҳибони гаҷҷетҳо ҷое намонд. Гурӯҳи истифодабарандагони Калифорниягӣ, аз болои ширкати ...