Шафтолу ба инсон қувват мебахшад

0
402 просмотров

Шафтолу дар Ватани мо фаровон мерӯяд. Он бисёр таркиби муфид дорад. Дар таркиби он бисёр кислотаҳои органикӣ, ба монанди кислотаҳои себ, шароб, лимӯ; намаку микроэлементҳо, ба монанди калий, оҳан, фосфор, марганетс, мисс, рӯҳ, селен ва магний дорад. Шафтолу аз витаминҳои зерин бой аст: витамини С, витаминҳои гурӯҳи В, Е, К, РР ва инчунин каротин. Дар таркиби шафтолу инчунин пектин ва равғанҳои эфир мављуд аст. Донаки он хеле муфид мебошад, зеро дар таркиби он рағани бодом ва витамини машҳури В17 мављуд аст.

Fun-Facts-of-Peach

Шафтолу дар рӯйхати хӯрокаи инсон маҳсулоти пурарзиш ба ҳисоб меравад. Шафтолу меваи сероб буда, тамъи хубу ботароват дорад ва зуд ҳал мешавад. Шафтолуро барои кӯдакон ва ба шахсоне, ки пас аз беморӣ бисёр беҳоланду иштиҳо надоранд тавсия дода мешавад. Инчунин, он барои бартараф намудани қабзият ва сӯзиши меъда тавсия дода мешавад. Шафтолу ба меъда барои ҳазм намудани хӯроки серравған кӯмак мерасонад. Инчунин, барои чунин бемориҳо ба монанди ноқиси мафосил, тарбод (ревматизм) ва касалиҳои гурда, рагу дил, љигар ва талхадон муфид мебошад.

Fruit_Peaches_Wicker_495380

Таркиби меваи шафтолу чунин аст: об-80-90%, қанд- 6-14%, аз љумла сахароза 5-10%, моддаҳои пектинӣ— 0,5-1,2%, витамини С- 9,4-20 мг%, каротин- 0,6-1,0 мг%. Дар донаи шафтолу 20-60% (аз хушккардашудааш) равғани пиҳ, 0,4-0,7% равғани эфир ва бодоми талх мављуд аст.

artleo.com-261179

Накҳати меваҳои шафтолу аз эфирҳои мурча, сирко ва кислотаҳои валерианӣ, каприловии таркиби он вобаста аст. Донаи бештари шафтолуҳо талх буда, баъзан шафтолуи донаширин низ вомехӯрад. Равғани донаки шафтолуро дар истеҳсолот ва тиб восеъ истифода менамоянд.Шафтолуро асосан дар намуди тару тозааш истеъмол менамоянд.Ғайр аз ин, аз он шарбат, кампот, мураббо, љем ва шафтолуқоқ тайёр менамоянд. Шафтолуи тару тоза ва консерванамудаи онро дар хӯроки парҳезӣ ва барои табобати роҳи ҳозима истеъмол менамоянд, чунки он таъсири хуби ҳазми хӯрокро дорад. Таркиби қанд ва витаминҳои гуногуни таркиби он муқовимати организмро нисбати бемориҳои шамолхӯрӣзиёд менамояд.

OLYMPUS DIGITAL CAMERA

Азбаски мавсими пӯхтани шафтолу ба охир нарасидааст, метавонед, ки аз он фаровон истеъмол намоед ва барои зимистон мураббо, консерва ва ғ.-ҳо тайёр намоед.

Қувватнокӣ— 46 ккал;

Сафеда- 0,9 грамм;

Карбогидрогенҳо- 11,3 грамм.

Нет комментариев

Также рекомендуем

Таҳкими сулҳу осоиштагӣ қарзи ҳар як нафар аст

Дар Маркази фарҳанги шаҳри Хуҷанд вобаста ба вазъи сиёсӣ, таблиғоти ҳуқуқӣ, пешгирӣ намудани ҷинояткорӣ, экстремизму терроризм, шомил шудани ҷавонон ба ҳизбу ҳаракатҳои ғайриқонунӣ ва баланд ...