Шаҳрванди Шведсия дар як рӯз 10 ҳазор маводро ба WIKIPEDIA ворид кард

0
421 просмотров

Муаллиф аз Шведсия бо ёрии як барномаи махсус, ба Wikipedia  2,7 миллион мақола ворид кард.

Сверкер Йоханссон (Sverker Johansson), як шаҳрванди Ҷумҳурии Шведсия 2,7 миллион мақолаи худро дар энсиклопедияи электронии Wikipedia ҷой додааст.Тавре дар ин бора сомонаи WSJ хабар медиҳад, ин миқдори мақолаҳо 8,5дарсади  тамоми мақолаҳои  Wikipedia-ро ташкил медиҳад.

Миқдори зиёди мақолаҳо, ки аз ҷониби барномаи Lsjbot  эҷод шудааст, асосан оид ба шоҳпаракҳову қунғузҳо маълумот медиҳад. Бо ёрии барнома Йоханссон тавонистааст, ки дар як рӯз то 10 ҳазор маводро ба энциклопедия ирсол намояд.

Мунаққидон барои ин амалаш Сверкер Йоханссонро зери танқидқарор доданд. Онҳо мегӯянд, ин усули мақолаофарӣ ба маҳорати эҷодиёт халал эҷод мекунад. Илова бар ин, сифати мақолаҳое, ки тавассути  Lsjbot таҳия мешаванд, аз он маводҳое, ки инсон меофарад, нисбатан паст аст.

Дар ҳақиқат , дар бархе аз маводҳои Lsjbot  далелҳои асоснокшудаи мавзӯъ дида намешавад.

Бояд тазаккур дод, ки худи Сверкер Йоханссон чунин мешуморад, ки ин усули ӯ оид ба таҳияи маводҳо барои Википедия ҳуқуқи амалишавӣ дорад. Зеро, новобаста аз он, ки дар ин усул нигоҳи эҷодӣ дида намешавад, танҳо интишори маълумот барои истифодабарандагони Википедия нақши калон дорад.

Манбаъ:hi-news.ru

 

Нет комментариев

Также рекомендуем