Шикасти навбатии мунтахаби футболи Тоҷикистон

0
539 просмотров

Дар даври охирини мусобиқаи гурӯҳии марҳилаи интихобии Ҷемпионати ҷаҳон оид ба футбол-2018 мунтахаби Тоҷикистон дар майдони худ аз дастаи Қирғизистон бо ҳисоби 0 бар 1 шикаст хӯрд.

Бино ба иттилои Федератсияи футболи Тоҷикистон, меҳмонон дар дақиқаи 18-уми бозӣ тӯбро ба ҳадаф расонида, аз кӯшишҳои футболбозони тоҷик баҳри мусовӣ кардани ҳисоб ё ғалаба дар идомаи ин вохӯрӣ ҳеҷ натиҷае ҳосил нашуд.

Дар вохӯрии дигари гурӯҳи «В» дастаи Австралия дар майдони худ бар дастаи Урдун бо ҳисоби 5 бар 1 дастболо шуда, бо 21 имтиёз дар садри аввали ҷадвал қарор гирифт. Мақоми дуюмро дар ин гурӯҳ — Урдун бо 16 имтиёз, зинаи сеюмро — Қирғизистон бо 14 имтиёз, ҷойи чорумро — Тоҷикистон бо 5 имтиёз ва зинаи охирро — Бангладеш бо 1 имтиёз ишғол карданд.

Қобили зикр аст, ки акнун Тоҷикистон дигар аз ҳаққи иштирок дар мусобиқоти марҳилаи интихобии Ҷоми футболи ҷаҳон-2018 маҳрум шуда, барои роҳ ёфтан ба даври гурӯҳии мусобиқоти марҳилаи интихобии Ҷоми Осиё-2019 рақобат мекунад. Бозиҳои футболбозони тоҷик дар ин давр рӯзҳои 2 ва 7 июн баргузор мешаванд.

Манбаъ: http://www.news.tj/tj/news/

Нет комментариев

Также рекомендуем

Кумитаи ҳолатҳои фавқулода огоҳ мекунад: рӯзҳои наздик ҳарорати ҳаво беш аз 40 дараҷа хоҳад шуд!

Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба таваҷҷуҳи шаҳрвандон ва меҳмонони кишвар мерасонад, ки тибқи маълумоти Агентии обуҳавосанҷии кишвар дар ҷумҳурӣ ...
%d такие блоггеры, как: