Дар олами аҷоибот: Донишҷӯи 99–сола!

0
339 просмотров

Дорита Дэниэлс дар умри қариб як асраи худ шоҳиди ҳодисаҳои зиёде гаштааст, аммо бузургтарини дастоварди ӯ дар 99-солагӣ хатм кардани донишгоҳ мебошад.

Соли 2009 набераҳои донишҷӯяшро дида, кампир нияти ба донишгоҳ дохил шуданро намуд, вале касе бовар намекард, ки бибӣ ҷиддӣ студент шуданист. Ҳангоми таҳсил пиразан ҳуҷҷатҳои ронандагияшро гум карда, чанд сактаи дилро аз сар гузаронд, вале хонданро напартофт. Ба гуфти омӯзгорон донишҷӯ Дорита дар ҳақиқат барои илмомӯзӣ кӯшиши зиёд ба харҷ додааст, хусусан дарсҳои омӯзиши компютерӣ барояш гарон буданд, вале ӯ тавонист тамоми мушкилиҳоро паси сар карда, дар синни 99-солагӣ соҳиби диплом гардад.

Зан ба хорпуштак табдил ёфт

Шинина Айземи 32-сола, сокини Мемфиси иёлоти Теннеси гирифтори бемории даҳшатнок гаштааст. Гап сари он аст, ки дар бадани зан ба ҷои мӯй нохун месабзад. Дар давоми чандин сол табибон на сабаби бемориро муайян карда тавонистанду на роҳи давояшро ёфтанд. Дар аввал пӯсти Шинина пур аз карахши сиёҳ шуд, баъд аз ҷойҳои сиёҳшуда ғурриҳои хормонанд зада баромаданд. Дигар ба бадани Шинина даст расонидан номумкин буд. Пас аз ин пойҳояш ҳам сиёҳ шудан гирифтанд. Табибон ба даҳшат омаданд, зеро ҳолати бемор торафт бад шуда, бе асо роҳ гашта наметавонист. Танҳо соли 2011 духтурҳо тавонистанд дарди беморро сабуктар созанд, вале ҳанӯз ҳам дар баданаш нохун мебарояд.

Оилаи шашангуштҳо

Оилаи Силваҳо дар наздикии пойтахти Бразилия умр ба сар мебаранд. Чордаҳ нафар аъзои ин оила дар дасту пойҳояшон шаш ангуштӣ доранд. Аввалин нафари шашангушта дар оилаи Силваҳо бибикалонашон буд. Аҳли  ин хонадон бо ин хусусияти генетикияшон фахр мекунанд.  Шашангушта будан ба аҳли ин оила халал намерасонад, балки дар корҳои хоҷагӣ кӯмак ҳам мекунад. Танҳо бонувони ин авлод дар пайдо намудани пойафзоли мувофиқ азият мекашанд. Шашангуштаҳои ғалатӣ мехоҳанд саҳми худро дар футболи Бразилия гузоранд.

Скрипканавози якдаста

Як бонуи ҷопонӣ, ки як даст дорад, скрипканавозиро омӯхтааст. Ин зан ба протези махсусе, ки ба китфаш васл гардидааст, скрипкаро насб намуда, баъдан ба навохтан сар мекунад. Вақте мусиқии дилнавоз садо медиҳад, бовар кардан душвор аст, ки онро зани маъюб навохта истодааст. Скрипканавози якдастаи ҷопонӣ Манами Ито ном дорад ва дар баробари навозандагӣ ба шиноварӣ низ машғул аст. Манами ҳатто дар мусобиқаҳои олимпӣ ширкат варзидааст. Расман ин зани қавиирода ба сифати ҳамшираи шафқат кор карда, духтарчаашро тани танҳо ба воя мерасонад.

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: