Шиносоӣ бо бунёдкориҳо дар шаҳру ноҳияҳо

0
38 просмотров

Дар доираи 1300 рӯзи меҳнати зарбдор, ки ба истиқболи 30-солагии Истиқлолияти давлатии Ҷумҳурии Тоҷикистон эълон шудааст, дар шаҳру ноҳияҳои вилоят корҳои ободониву созандагӣ бо маром идома дорад.

Раиси вилояти Суғд Раҷаббой Аҳмадзода бо мақсади шиносоӣ бо ҷараёни корҳои бунёдкорӣ бо ҳамроҳии масъулини сохторҳои вилоятӣ тавассути автобус ба шаҳрҳои Бӯстону Гулистон ва ноҳияҳои Бобоҷон Ғафурову Ҷаббор Расулов сафар намуд.

Раиси вилоят нахуст дар шаҳри Бӯстон ба мумфаршкунии роҳи автомобилгарди Бӯстон-Қотма оғоз бахшид. Дарозии умумии роҳи мазкур зиёда аз 3 км буда, 1,2 километри он пурра асфалтпӯш ва боқӣ ба таъмири ҷорӣ фаро гирифта мешавад. Фармоишгар Идораи сохтмони асосии вилоят ва пудратчӣ ҶДММ “Роҳи мурод” мебошад. Дар шаҳри Бӯстон Раиси вилоят инчунин раванди корҳои сохтмонии майдони Парчами давлатӣ, бинои нозироти андоз, Боғи фарҳангию фароғатии ба номи Садриддин Айниро мушоҳида намуда, ба масъулин ҷиҳати вусъати корҳо, сабзу хуррамнамоии ҳудуди боғ бо истифода аз гулҳои маҳаллӣ, таъмири намуди зоҳирии биноҳои баландошёна, ободонии байни биноҳо ва ду канори роҳ, ба тартиб даровардани дарахтон ва ғайра супоришҳои мушаххас дод.

Сипас, Раиси вилоят ба ноҳияи Ҷаббор Расулов ташриф оварда, бо ҷараёни бунёди кӯдакистони наву замонавӣ, майдони Парчами давлатии Ҷумҳурии Тоҷикистон, Маркази саломатӣ дар Ҷамоати шаҳраки Меҳробод, коргоҳи қолинбофӣ дар Ҷамоати деҳоти Ғӯлакандоз шинос гардид ва ҷиҳати анҷоми босифати корҳо дастуру маслиҳатҳои муфид дод.

Дар мавзеъи Рухаки ноҳияи Бобоҷон Ғафуров Раиси вилоят ҷараёни бунёди корхонаи асфалтбарориро мавриди назар қарор дод ва таъкид дошт, ки бунёди корхонаи мазкур барои бо ҷойи корӣ таъмин шудани сокинони маҳаллӣ мусоидат хоҳад кард. Корхонаи мазкур бо дастгирии Ҳукумати Ҷумҳурии Тоҷикистон бунёд ёфта истодааст ва айни замон корҳои васлу насби таҷҳизот идома дорад.

Дар шаҳри Гулистон бошад Раиси вилоят ва ҳамроҳонаш бо рафти бунёди мактаби санъат ва нақшаи таҷдиду навсозии системаи оби нӯшокии шаҳр, ки тибқи лоиҳаи “Барқарорсозии оби нӯшокӣ дар шаҳри Гулистон” амалӣ шудааст, ошно шуданд.

Ёдовар бояд шуд, ки бинои мактаби санъат дар маркази шаҳр ҷойгир буда, аз ду ошёна ва таҳхона иборат мебошад. Дар дохили бино зиёда аз 30 утоқи дарсӣ, толори барҳаво бо 135 ҷойи нишаст, ошхона, арт-галерея ва дигар ҳуҷраҳои ёрирасон ҷойгир карда шудааст.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Рио-2016 (16/08)

ҲАМКОРИ ЛОИҲА IAMDIFFERENT: Olá amigos. Чун ҳамарӯза оғоз менамоем аз пешниҳоди хабарҳои тоза. Шурӯъ мекунем аз натиҷаи иштироки варзишгари Тоҷикистон Кристина Пронженко. Дар намуди давидан ...