Шиносоӣ бо раванди корҳои ободониву созандагӣ

0
169 просмотров

Раиси вилояти Суғд Раҷаббой Аҳмадзода дар шаҳри Хуҷанд бо раванди корҳои ободониву созандагӣ аз наздик шинос гардида, ҷиҳати ислоҳи камбудиҳо ва тезонидани суръати корҳо дар иншооти ҷашнӣ ба масъулин супоришҳои мушаххас дод.

Ёдовар бояд шуд, ки дар доираи омодагиҳо ба ҷашни таърихии 30-солагии Истиқлолияти давлатии Ҷумҳурии Тоҷикистон дар маркази вилоят сохтмону бунёди садҳо иншооти муҳим, аз ҷумла таъмиру мумфарш ва чароғонкунии роҳҳо ба нақша гирифта шудааст.

Зимни боздиди корӣ ба Раиси вилоят иттилоъ дода шуд, ки дар чаҳорчӯби корҳои ободонӣ роҳи мошингард аз гардиши маҳаллаи «Чашма» ба дарозии наздик ду километр мумфарш ва ба таври замонавӣ чароғон карда мешавад. Дар аснои шиносоӣ бо ваъи кунунии роҳи мазкур Раиси вилоят нисбат ба фаъолияти масъулини Хоҷагию манзилии комуналӣ ва идораи роҳ эрод гирифта, дастур дод, ки ба ободонии шаҳр таваҷҷуҳи зарурӣ зоҳир карда шавад.

Сипас, Раиси вилоят аз маҳалли бунёди боғи ба номи Абӯмаҳмуди Хуҷандӣ, ки дар масоҳати наздик 6 гектар бунёд ва дар он барои истироҳату фароғати сокинон шароитҳои лозимӣ фароҳам оварда мешавад, боздид намуд. Раҷаббой Аҳмадзода дар назди масъулон барои анҷоми корҳои чароғонкунӣ, шинонидани дарахтони ороишиву ҳамешасабз ва дигар корҳои ободонӣ вазифаҳои мушаххас гузошт. Ҳамзамон барои тезонидани суръати корҳои сохтмонӣ дар планетарияи шаҳри Хуҷанд ба масъулин супоришҳо дода шуд.

Бо мақсади арҷгузорӣ ба ҷоннисориҳои бемислу монанди қаҳрамони халқи тоҷик – Темурмалик, инчунин фароҳамсозии шароити мусоид барои истироҳату фароғати сокинон дар маҳалҳои 6-7-уми шаҳри Хуҷанд бунёди боғи ба номи Темурмалик ба нақша гирифта шудааст.  Раиси вилоят бо ҷонибдорӣ аз иқдоми мазкур ба масъулин дастур дод, ки дар якҷоягӣ бо олимону таърихшиносон лоиҳаи боғи навро омода намоянд.

Дар идомаи Раиси вилоят рафти корҳои сохтмонии роҳи танобиро мавриди назар қарор дод. Тавре аён гардид, айни замон корҳои заминӣ ва бетонрезии сутунпояҳо дар ҳолати анҷомёбӣ қарор дошта, сохтмони иншооти соҳаи сайёҳиро сохтмончиёни ҶДММ “Абдурашид” бар уҳда гирифтаанд.

Хотирнишон бояд кард, ки роҳи танобӣ бо иқдоми соҳибкорони маҳаллӣ ва бахшида ба “Соли рушди сайёҳӣ ва ҳунарҳои мардумӣ” сохта мешавад. Тибқи лоиҳа дарозии роҳи танобӣ 1 километрро ташкил дода, он дорои 47 кабина хоҳад буд. Нақшаи бунёди роҳи танобӣ дар асоси меъёрҳои байналхалқӣ тартиб дода шуда, дар доираи он бунёди 9 сутунпоя ва ду истгоҳ ба назар гирифта шудааст.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Қайроққум: Ғалабаи «Хайр» бар «Жетису — 2»

Рӯзи гузашта, мусобиқаи анъанавии байналмилалии футбол барои дарёфти Ҷоми «Осоишгоҳи Баҳористон» дар шаҳри Қайроққум оғоз гардид ва бозиҳо идома дорад. Дар дуввумин дидори ин мусобиқа ...
%d такие блоггеры, как:

Сообщить об опечатке

Текст, который будет отправлен нашим редакторам: