Санаи 11 июн Раиси вилояти Суғд Абдураҳмон Қодирӣ бо рафти корҳои сохтмонии корхонаи муштаркаи сементбарории Тоҷикистону Чин «Хуаксин-Ғаюр-Суғдсемент» аз наздик ошно шуд. Тавре иттилоъ дода шуд, рафти корҳои сохтмонӣ тибқи лоиҳа бо вусъат идома дошта, то ба имруз 60 фоизи корҳои сохтмонӣ ба анҷом расидааст. Бояд гуфт, ки дар сохтмони корхонаи нави сементбарорӣ, ки моҳи апрели соли 2014 бо иштироки Сарвари давлат Эмомалӣ Раҳмон ба бунёди он санги асос гузошта шуда буд, беш аз 800 нафар коргарон ба кор ҷалб гардидаанд, ки наздик 500 нафарашонро коргарони маҳаллӣ ташкил мекунанд. Раиси вилоят Абдураҳмон Қодирӣ ҳангоми боздид аз корхонаи бунёдшавандаи сементбарорӣ ба раванди корҳои сохтмонӣ, шароити мусоиди корӣ, зиёд намудани ҷойҳои корӣ, пайдо намудани харидорони маҳсулоти истеҳсолшаванда ва дигар масъалаҳои марбут ба рушди кори корхона диққати махсус дод. Ба роҳбарияти вилоят итилоъ дода шуд, ки пас аз ба фаъолият шурӯъ намудани корхонаи мазкур зиёда аз 1200 нафар бо ҷойи корӣ таъмин мешаванд, ки 90 фоизи онҳо аз ҳисоби коргарони маҳаллӣ хоҳад буд Ҷоизи қайд аст, ки дар коргоҳи мазкур барои бароварда намудани талаботи нерӯи барқ маркази барқӣ ва гармидиҳӣ бо иқтидори 25 МВт сохта мешавад. Ин марказ дар оянда корхонаро пурра бо қувваи барқ таъмин хоҳад кард. Ҳукумати Ҷумҳурии Тоҷикистон ҷиҳати бунёди корхонаҳои хурду бузурги саноатӣ ва ба ин васила ташкили ҷойҳои нави корӣ тадбирҳои заруриро роҳандозӣ менамояд. Дар вилояти Суғд давоми соли 2015 бунёди 170 корхонаву коргоҳҳои саноатӣ бо 5,3 ҳазор ҷойи корӣ ба нақша гирифта шудааст. Корхонаи «Хуаксин-Ғаюр-Суғдсемент» аз зумраи чунин корхонаҳост, ки пас аз ба фаъолият оғоз намудани он 1000 нафар бо ҷойи кори доимӣ таъмин мегарданд. Дар ин бора аз хадамоти матбуотии раси вилоят иттилоъ доданд.
В Худжанде увеличивается количество женщин с водительскими правами
В городе Худжанде Согдийской области на севере Таджикистана увеличивается число женщин и девушек, получающих водительские права. Данный факт отмечают в экзаменационно-регистраци онном отделе Государственной ...
Нет комментариев