Шираи помидор

0
243 просмотров

Оё медонед, ки афшураи помидор кай пайдо шуд? Агарчи аврупоиҳо помидорро аз асрҳои миёна мешинохтанд, афшураи онро танҳо дар аввалҳои асри 20 истеҳсол кардаанд.  Аввалин шуда афшураи помидорро таббоҳи фаронсавӣ Луи Перина дар соли 191-ум тайёр кард. Дар солҳои 30-юми асри 20 дар Амрико афшураи помидорро бо миқдори калон дар зарфҳои шишагӣ истеҳсол мекарданд. Дар Иттиҳоди Шўравӣ афшураи помидорро бо технологияи афшурдаи мустақим истеҳсол намуда, ба он шакар ва об илова мекарданд. Норасоии ин мавод дар он буд ки, мўҳлати истифодабарии он ҳамаги 2-3 моҳ буд.

Имрўзҳо Шумо метавонед аз мағозаву бозорҳо афшураи помидори   истеҳсолкунандагони ватанӣ ва хориҷиро харидорӣ кунед. Афшураҳои  помидори «Зулол», «J-7», «Добрый», «Моя семья», «Фруктовый сад» дар байни харидорон машҳур мебошанд.

Афшураи  помидор бо ду намуд тайёр мешавад: якум, ин афшурдаи мустақим, ки онро аз помидорҳои навсабз истеҳсол мекунанд ва дуюм, ин намуди аз нав барқароршуда, ки онро аз контсентрат ё ин ки қайлаи помидор тайёр мекунанд. Дар хотир доред, ки агар афшураи помидор аз контсентрат тайёр шуда бошад, истеҳсолкунанда бояд ҳатман ин маълумотро дар зарфи он инъикос кунад. Ба мўҳлати истеҳсоли афшураи помидор эътибор диҳед. Агар ин мўҳлат моҳҳои август ва сентябр бошад, донед, ки ин мавод аз помидорҳои навсабз истеҳсол шудааст. Дар дигар вақт онро аз қайлаи помидор тайёр мекунанд. Афшураи  помидори дар зарф буда то муддати 3 сол нигоҳ дошта мешавад. Аммо агар мўҳлати он аз 6 моҳ зиёд бошад, аз харидории он даст кашед. Чӣ  қадар афшураи помидор бисёр нигоҳ дошта шавад, ҳамон қадар витаминҳои он нобуд мешаванд.

Сифати афшураи помидорро фаҳмидан осон аст. Ба он камтар сода илова кунед ва агар ранги афшураи помидор иваз нашавад, донед, ки истеҳсолкунанда маҳсулоти камсифатро кор фармуда ба мавод моддаҳои рангкунандаи сунъӣ илова кардааст. Дар таркиби помидор маводи рангкунандаи табиӣ мавҷуд аст. Номи ин мавод «ликопин» мебошад ва он хусусияти пешгирии касалиҳои саратониро дорад. Аз рўи тавсияи табибон бояд ҳар рўз як истакон афшураи помидор истеъмол кунед. Ба диққати нафароне, ки ба вазни худ эътибор медиҳанд, мерасонем, ки афшураи помидор дар мобайни ҳамаи афшураҳо ва шарбатҳо аз ҳама камкалориятар мебошад. Дар 100 грамм афшураи помидор 20 килокалория мавҷуд аст. Масалан, дар 100 грамм шарбати ангур 65 килокалория мавҷуд аст.

Афшураи  помидор боз аз дигар витаминҳо ва микроэлементҳо бой аст ва дар фасли зимистон истеъмоли ин мавод бениҳоят зарур аст.

Cарчашма: www.tiroz.org

Нет комментариев

Также рекомендуем

Рио-2016 (19/08)

ҲАМКОРИ ЛОИҲА IAMDIFFERENT: Olá amigos. Дар аввал чанд хабари нав аз Бозиҳои ХХХI тобистонаи олимпӣ. Дар намуди заврақронӣ дар каноэ ба масофаи 200 метр зудтар ...