Ширкати Шведи ба тани кормандонаш чип ҷой менамояд

2
523 просмотров

Яке аз ширкатҳои шветсиягӣ микросхемаҳои электрониро ба зери пӯсти кормандони худ ҷойгир намуд. Дастгоҳҳои бесими хурдакак ба ҷои шаходатномаҳои пластикии шахсӣ истифода бурда мешавад. RFID-микросхемаи ба даст мувофиқаткунонидашуда, имконияти кушодани дар ва ба кор андохтани таҷҳизотҳои коргоҳро медиҳад. Бино ба маълумоти  рӯзномаи International Business Times, пешниҳоди  ба зери пӯст ҷойгир намудани микросхемаи электрониеро, ки андозааш ба як  донаи биринҷ баробар аст,  садҳо кормандони коргоҳи Epicenter, ки  дорои технологияи бузурганд дастрас карданд. Касоне, ки аллакай радионишонаро соҳибӣ намуданд, мегӯянд, ки маросими ҷойгиркунии микросхема ба сӯзангузаронии зерипӯстӣ монандӣ дорад. Онро бошад холкӯбон (татуировщики)-и касбӣ ба пӯст ҷойгир мекунанд.

Ташкилкунандаи микросхемакунонии иттиҳодиявӣ, гурӯҳи маҳаллии «биоҷосусии» BioNyfiken мебошад. Ин гурӯҳ умедвор аст, ки рӯзе чунин имплантантҳо ба чизи маъмулӣ табдил меёбанд. Бо кӯмаки онҳо, метавон барои хӯрок маблағ пардохт намуда, ба ҷои корӣ дастрасӣ пайдо кард. Ин дастгоҳҳо метавонанд, маълумотҳои кориро муҳофизат кунанд, хамчунин барои якҷоясозии замимаҳои смартфонҳо хизмат расонанд.

Роҳбарияти Epicenter умедвор аст, ки дар оянда ҳамаи 700 нафар кормандони коргоҳи мазкур, дорандагони микросхемаи иттиҳодиявӣ хоҳанд буд. Ба гуфтаи ӯ, пеш аз ҷойгиркунии  миросхемаҳо, технологияи кори онҳо бояд санҷида шавад.

Мо пайваста бо технологияҳо ҳамкориро ба роҳ мондаем. Имрӯз мо маҷбурем, ки аз рамзҳои PIN ва нишонаҳо истифода барем. Оё хуб нест, ки дар ин кор дастро истифода барем? Ҳаракати одии беихтиёрона- мегӯяд Ханес Соблад аз BioNyfiken, масъули ҷойгиркунонии микросхемаҳо.

Мо мехоҳем технологияро пеш аз он, ки ширкатҳои бузург ё ҳукумат ба микросхемакунии ҳама шурӯъ мекунанд, фаҳмем. Ин идораҳои андоз, Google ё Facebook хоҳад буд.

Сарчашма:  matrix-tv.tj

2 comments

Опубликовать новый комментарий

Также рекомендуем