Шумораи муштариёни шабакаи NGN маълум гардид

0
1 055 просмотров

Дар Ҷумҳурии Тоҷикистон   теъдоди муштариёни «Шабакаи насли оянда» ё NGN, ки моҳи декабри соли 2017  истифодаи он дар қаламрави ҷумҳурӣ боздошта шуд,  34 ҳазор нафарро ташкил медиҳад. Ин нуктаро муовини сардори Хадамоти алоқаи назди Ҳукумати Ҷумҳурии Тоҷикистон Илҳомҷон Атоев зимни  нишасти матбуотӣ 25 январ таъкид кард. Бояд зикр намуд, ки қаблан расонаҳои мустақили мамлакат  истифобарандагони шабакаи NGN-ро 1 миллион  нафар муштарӣ арзёбӣ мекарданд. Муовини сардори Хадамоти алоқаи назди Ҳукумати ҷумҳурӣ сабабҳои  боздошти истифодаи хизматрасонӣ аз шабакаи NGN-ро дар  риоя нашудани  якчанд талаботи қонунгузории ҷумҳурӣ, аз ҷумла, ғайриимкон будани назорати зангҳо тавассути интернет, гузаштани зангҳо,  истифодашавии  рақамгузории маҳаллӣ барои зангҳои байналмилалӣ, пурра фароҳам наовардани шароит барои чораҳои фаврӣ-ҷустуҷӯӣ, риоя нашудани талаботи сифати алоқа, бе қайд ва шиноснома пайваст кардани муштариён ва пешгирии истифодаи хизматрасонӣ барои ҷалби ҷавонон ба   созмонҳои террористию экстремистӣ рабт дод. Намояндаи масъули Хадамоти алоқаи назди Ҳукумати ҷумҳурӣ таъкид кард, ки то бартараф кардани чунин камбудиҳо истифода аз хизматрасонии «Шабакаи насли  оянда» ё NGN  дар ҳудуди ҷумҳурӣ  қатъ карда мешавад.

 

Манбаъ: сомонаи расмии АМИТ «Ховар»

Нет комментариев

Также рекомендуем

Мағозаи «Тобон»

Барои кӯдакатон ё худ шавҳаратон либос лозим аст? Пас мо барои Шумо мағозаи либосҳои мардона ва бачагонаи «Тобон»-ро тавсия медиҳем. Аслан дар урфият гуфтаанд: «Одаму ...