Шумораи гирифторони COVID-19 дар Осиёи маркази ба 627 нафар расид

0
214 просмотров

Шумораи гирифторони коронавирус дар се давлати Осиёи Марказӣ — Қазоқистон, Ӯзбекистон ва Қирғизистон, ки аъзои Иттиҳоди Давлатҳои Мустақил (ИДМ) низ мебошанд, зиёд шуда, мутаносибан 348, 172 ва 107 нафарро ташкил медиҳад. Дар ин бора АМИТ «Ховар» бо истинод ба маълумоти Созмони умумиҷаҳонии тандурустӣ хабар медиҳад.

Дар дигар давлатҳои аъзои ИДМ, аз ҷумла дар Россия 2337 ҳолат, Украина – 645, Арманистон – 532, Молдова – 353, Озарбойҷон – 298 ва Беларус – 152 ҳолати сироятёбӣ ошкор гардид.

Дар ҳамаи ин давлатҳо шумораи беморони шифоёфта низ рӯз аз рӯз меафзояд. Масалан, то имрӯз дар Россия 121 нафар, Беларус — 47, Арманистон — 30, Озарбойҷон — 26, Қазоқистон — 24, Молдова — 18, Украина – 10, Ӯзбекистон – 7 ва Қирғизистон — 3 нафар шифо ёфта, ба манзили зисташон баргаштанд.

Дар баробари ин, дар Россия 17 ҳолат, Украина – 17, Озарбойҷон – 5, Молдова – 4, Арманистон – 3, Ӯзбекистон — 2, Қазоқистон — 2 ва Беларус — 1 ҳолати фавти беморони гирифтори коронавирус ба қайд гирифта шуд.

Миёни давлатҳои Осиёи Марказӣ ва ИДМ танҳо дар Тоҷикистон ва Туркманистон то имрӯз ягон ҳолати сирояти коронавирус ба қайд гирифта нашудааст.

Манбаъ: АМИТ «Ховар»

Нет комментариев

Также рекомендуем

WhatsApp боз зери хатар…

Истифодабарандагони мссенджери WhatsApp-ро аз паёмакҳои зиёнрасон, ки дар намуди «матни тарканда» омада, кори смартфонро манъ мекунад, огоҳ намуданд. Ин паёмаки нохуш ҳам дар платформаи iOS ...
%d такие блоггеры, как:

Сообщить об опечатке

Текст, который будет отправлен нашим редакторам: