Сиркои хӯрокии 9%

0
345 просмотров

Дар имруза бахш мо ба Шумоён дар бораи сиркои хӯрокии 9 %-а маълумот медиҳем.

Сиркои аслиро аввалин маротиба 7 ҳазор сол пеш  дар Рими қадим истеҳсол карда буданд. Ҳаммонанди кимёвии он – сиркои хӯрокӣ танҳо соли 1898 аз тарафи олими албанӣ Гофман ҳосил карда шуда буд. Ӯ муайян намуд, ки сиркоро на танҳо бо роҳи туршшавии шарбат ва асал, балки бо роҳи кимёвӣ низ ҳосил намудан мумкин аст. Дертар сиркоро аз таркиби гази табиӣ ва боқимондаҳои истеҳсолгаштаи мағзи чӯби хушк ҳосил мекардагӣ шуданд. Дар Иттиҳоди Шӯравӣ тамоми сиркои истеҳсоли бо роҳи кимёвӣ  ба даст меомад. То ба имрӯз сиркои хӯрокии 9%-ро васеъ истифода мебаранд.

Сиркои хӯрокии 9%-ро ширкатҳои «Комиском, Балтимор, Абрико, Егорье, Дядя Ваня» истеҳсол мекунанд. Ҳамаи онҳо ба талаботи стандарт мувофиқ буда, дар таркибашон металлҳои вазнинро надоранд.

         Сиркои хӯрокии 9%-ро ба аксари хӯрокҳо ва газакҳо илова мекунанд, ба суосҳо ва очорҳо меандозанд, барои тайёр кардани хӯрданӣ, хӯришҳо, турштар кардани таом ва ғайра истифода мебаранд. Одатан сиркои хӯрокии 9%-ро дар зарфи шишагӣ нигоҳ дошта, даҳонашро бо пӯк сахт маҳкам мекунанду дар ҷои салкин нигоҳ медоранд. Талаботи халқ ба сиркои хӯроки дар фасли тобистон,  ҳангоми тайёр намудани хӯришҳои дар фасли зимистон истифодабаранда меафзояд. Зеро танҳо бо ёрии сиркои хӯрокии 9%-а сабзавотҳоро дар банкаҳои шишагӣ нигоҳ доштан мумкин аст. Дар ин ҳолат дар маҳсулот на танҳо моддаҳои фоидаовар, балки бештари витаминҳо низ нигоҳ дошта мешаванд.

Имрӯз бисёр ақидаҳо ҳастанд, ки сиркои хӯрокӣ аз сабаби бо роҳи кимёвӣ ҳосил гаштанаш фоидае надорад. Бисёри вақт онро бо сиркои табиӣ муқоиса мекунанд. Ҷоизи қайд аст, ки тезии сиркои табиӣ аз 4% то 6% буда, тезии сиркои хӯрокии сунъӣ аз 6% то 13% мешавад. Шумо метавонед бо ёрии сиркои хӯрокӣ маҳсулотро муддати дароз нигоҳ доред, ба хӯришҳои ҳаррӯзатон метавонед аз сиркои ангурӣ ё себӣ истифода баред, беҳтар аст.

Азизон, медонед сиркои хӯрокии 9%-ро боз чӣ тарз истифода баред?

Пас, диққат диҳед ба маслиҳатҳои мо. Бо ёрии сиркои хӯрокӣ шумо метавонед қошуқҳо,  чангакҳо ва умуман ҳама маҳсулоти нуқрагии ошхонаро тоза кунед. Инчунин, агар таги дарзмолатон зард ё сиёҳ гашта бошад, онро низ метавонед бо ёрии сиркои хӯрокӣ тоза кунед. Аввал дарзмолро гарм кунед. Баъдан аз барқ ҷудо намуда, ба докаи тоза чанд чақра сирко рехта, таги дарзмолро тоза кунед. Ҳангоми истифодабарии сиркои хӯрокӣ кушодани оинаҳоро фаромӯш накунед, то ки бӯи гализи сирко ба димоғатон нарасад.

Дар вақти истифода бурдани сиркои хӯрокии 9%-а  эҳтиёт бояд шуд. Хотиррасон мекунем, ки сиркои хӯрокӣ метавонад сабабгори сӯхтани пӯсти бадан гардад. Агар онро бо об ҳал накарда, нӯшанд, тамоми узви дарунӣ месӯзад. Барои ҳамин сиркоро дар токчаҳои боло нигоҳ медоранд, то ки кӯдакон  гирифта натавонанд. Ҳангоми истифодабарии сиркои хӯрокии 9%-а бояд ҳар як шахс  инро  донад ва ба қоидаҳои бехатариро риоя намояд.       

Нет комментариев

Также рекомендуем

Теъдоди фаввораҳои шаҳри Хуҷанд ба 25 адад расид

Дар шаҳри Хуҷанд дар асоси дастуру роҳнамоии Президенти Ҷумҳурии Тоҷикистон Эмомалӣ Раҳмон омодагӣ ва корҳои ободонию созандагӣ ба истиқболи 25 солагии Истиқлолияти давлатии Ҷумҳурии Тоҷикистон ...