Ситоди “Ҳосил-2018”: маъракаи пахтачинӣ оғоз меёбад

0
438 просмотров

Бо мақсади сари вақт ва беталаф ҷамъоварӣ намудани ҳосили пахта, ҳамоҳангсозии фаъолияти идора, ташкилоту муассисаҳои вилоятӣ бо мақомоти иҷроияи ҳокимияти давлатии шаҳру ноҳияҳо дар ҳалли масъалаҳои маъракаи пахтачинӣ дар вилоят Ситоди вилоятии “Ҳосил-2018” таъсис дода мешавад.

Дар ин бора қарори Раиси вилояти Суғд Раҷаббой Аҳмадзода аз 23 августи соли 2018, №364 ба тасвиб расид. Тибқи қарори мазкур ҳайати Ситоди вилоятии “Ҳосил-2018” тасдиқ гардида, раисони ноҳияҳои пахтакор вазифадор гардидаанд, ки барои ғунучини беталафи ҳосил тадбирҳои заруриро амалӣ намоянд.

Дар назар аст, ки миёни ноҳияҳои пахтакор ва хоҷагиҳои кишоварзӣ мусобиқаҳои меҳнатӣ ташкил карда шавад. Ҷамъбасти мусобиқаҳои меҳнатии давраи аввали маъракаи пахтачинӣ 1 октябр сурат гирифта, давраҳои минбаъдаи он ҳар 20 рӯза ҷамъбаст мешавад.

Манбаъ: Хадамоти матбуоти Раиси вилояти Суғд

Нет комментариев

Также рекомендуем