Ситораҳои эстрадаи тоҷик дубора ба ТВ бармегарданд

0
761 просмотров

Шабнами Сурайёву Фарзонаи Хуршед ва Манижаи Давлату Садриддини Наҷмиддин барои ҳамкорӣ бо телевизионҳои давлатии Тоҷикистон ва иштирок дар маъракаҳои расмӣ даъват шудаанд.

Шабнами Сурайё

Ҳафтаи гузашта роҳбарияти Вазорати фарҳанги Тоҷикистон ва Кумитаи телевизион ва радиои назди Ҳукумати Ҷумҳурии Тоҷикистон дар як мулоқот аз ин сарояндаҳо даъват кардаанд, ки оҳангу тарона ва “клип”-ҳои худро барои намоиш ба телевизион пешниҳод кунанд. Фарҳод Зикиров – навозандаи маъруфи тоҷик, ки дар ин мулоқот ҳузур дошт, гуфт, мақомот, инчунин, дар бораи ахлоқи овозхонҳо сӯҳбат кардаанд.

Садриддини Наҷмиддин

«Гуфтанд, ки ҳар як сароянда бояд бо одобу ахлоқи худ барои ҷавонон намуна бошад. Забони адабиро хуб омӯзад. Зеро аксари сарояндаҳо наметавонанд ба забони адабӣ сӯҳбат кунанд. Таъкид шуд, ки Соли ҷавонон аст ва сурудҳои хубу пурмӯҳтаво ва тарбиявӣ омода кунеду биоед», — афзуд ӯ.

Манижаи Давлат

Аз сарояндагон ҳамчунин даъват шудааст, ки агар хоҳиш дошта бошанд, метавонанд ба ансамблҳои давлатӣ ҳамроҳ шаванд.

Фарзонаи Хуршед

Дар гузашта расонаҳо ва бархе аз сарояндаҳо бо вуҷуди як рӯйхати ба истилоҳ “сиёҳ” дар телевизион сӯҳбат мекарданд, ки он бархе аз овозхону шахсиятҳоро аз роҳ ёфтан ба шабакаҳои давлатӣ манъ мекунад.

Манбаъ: central_asian_news@rferl.org

Нет комментариев

Также рекомендуем