Сиёҳкунии шишаҳои мошинҳо гарон мешавад

0
629 просмотров

Дар қарори нави ҳукумат сиёҳкунии шишаҳои такси ва автомашинаҳои машғул ба мусофиркашонӣ манъ шудааст.

Мувофиқи қарори ҳукумати Тоҷикистон, аз 1 апрел хоҳишмандони сиёҳкунии шишаҳои автомашинаҳои истеҳсоли то соли 2005 – 3 ҳазору 575 сомонӣ (наздики 350 доллар) маблағ пардохт мекунанд. То 1 апрел иҷозаи сиёҳкунии шишаҳо барои ин автомашинаҳо 2 ҳазору 750 сомонӣ (270 доллар) нарх дошт, хабар дод ба “Азия-Плюс” як манбаъ аз Раёсати БДА ВКД Тоҷикистон.

Соҳибони автомобилҳои истеҳсоли соли 2005 ва баъди он барои дастрас намудани иҷозатномаи сиёҳкунии шишаҳо 4 ҳазору 730 сомонӣ (ҳудуди 500 доллар) маблағ пардохт мекунанд. Қаблан ронандагони ин гуна автомашинаҳо барои анҷоми ин кор 3 ҳазору 410 сомонӣ (360 доллар) маблағ пардохт мекарданд.

Мувофиқи тартиботи муқарраршудаи қонунгузорӣ, ронандагон баъди гирифтани иҷозатнома ба сиёҳкунии шишаҳои қафо ва паҳлӯҳои мошин ҳууқуқ доранд. Аммо шишаи пеши автомашина бояд шаффоф буда, танҳо ба сиёҳкунии 20 сантиметри болои он иҷозат дода мешавад.

Барои шахсоне, ки автомобилро бо шишаҳои сиёҳ ба қаламрави ҷумҳурӣ ворид кардаанд, барои гирифтани иҷозатнома ё ивази шишаҳои сиёҳ ба муқаррарӣ 10 рӯз муҳлат дода мешавад.

Дар қарори нави ҳукумат, ки аз 1 апрел мавриди амал қарор мегирад, сиёҳкунии шишаҳои такси ва автомашинаҳои машғул ба мусофиркашонӣ манъ шудааст.

Аз соли 2000 то 2009-ум сиёҳкунии шишаҳои автомашинаҳо дар Тоҷикистон манъ буд. Бо дастури президенти Тоҷикистон Эмомалӣ Раҳмон ҳамаи воситаҳои пулии бадастовардашуда аз додани иҷозатнома барои сиёҳкунии шишаҳои автомобил ба суратҳисоби сохтмони нерӯгоҳи Роғун гузаронида мешаванд.

Манбаъ: news.tj

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: