Skype метавонад аз паси истифодабарандагон назорат кунад

9
486 просмотров

skype-dlya-planshetov-300x240Истифодабарандаи портали Reddit , ки тахаллусаш  Ponkers мебошад, дигар хонандагони сомонаи машҳурро аз нозукиҳои дар тафсири мобилии  интернет-хизматгузории  Skype ошкоршуда ҳушдор сохтааст. Дар ин бора Cnews иттилоъ додааст.

Бинобар маълумоти  Ponkers, ноқиси дар тафсири Android-ии Skype дарёфт шудааст. Барои санҷидани он, ду телефони ба замима пайвастшуда лозим аст.  Дар ин ду телефон муштарии А бояд ба Skype, ки дар он сабти ном шудааст, дохил шавад. Ду дастгоҳ бояд ба шабака пайваст бошанд.  Сипас муштарии А ба муштарии Б, ки ӯ низ соҳиби дастгоҳи Android-ӣ  мебошад, занги телефониро иҷро мекунад.  Ҳангоми занг задан, муштарии А аз дастгоҳе, ки бо он занги телефонӣ иҷро гардида буд,  аз  шабака берун мешавад.

Баъди ин амал, дастгоҳи Android-ии муштарии Б бо таври автоматикӣ ба дастгоҳи дуюми муштарии А занг мезанад. Вақте ки муштарии А гӯшакро мебардорад,  байни ду дастгоҳ алоқаи овозӣ ва видеоӣ ба вуҷуд меояд. Он метавонад ҳамаи он чизеро, ки дар хати  дигари алоқа рух медиҳад, шунавад ва назорат кунад. Ҳамсӯҳбати дигар (муштарии Б), аз ин ҳолат то он даме, ки  ба экрани смартфонаш нигоҳ накунад, бохабар намегардад.

Ponkers иброз менамояд, ки дар бораи он ки оё ин усул дар дигар платформаҳо кор мекунад ё не, чизе намедонад. Ӯ ҳамчунин менависад, ки на ҳама вақт тавонистааст ин алоқаро ба вуҷуд оварад. Бо вуҷуди ин, хабарро дар Reddit  истифодабарандагоне, ки ин таҷрибаро  бо истифода аз дастгоҳҳои Nexus 5 ва Samsung Galaxy S4 санҷида диданд, хуб пазируфтанд. Хабари мазкур эзоҳҳои зиёдеро ҷамъ овард. Ҳамчунин  маълумотҳое пайдо шуданд, ки нозукӣ дар тафсири Skype –и ПК низ мавҷуд будааст.

Лекин, метавон гумон кард, ки масъалаи мазкур хеле зуд бартараф карда мешавад. Ponkers ҳамчунин навиштааст, ки бо ӯ намояндагони ширкати  Microsoft ҳамсӯҳбат шуда, изҳор намудаанд, ки масъалаи ба вуҷуд омадаро бартараф хоҳанд намуд.

сарчашма: matrix-tv.tj

9 comments

Опубликовать новый комментарий

Также рекомендуем