“Соҳибмаърифатӣ – асоси рушди ҷомеа” – мулоқот дар ДДХ

0
510 просмотров

Дар толори хобгоҳи рақами 3-юии Донишгоҳи давлатии Хуҷанд ба номи академик Бобоҷон Ғафуров бо ҷалби беш аз 100 нафар донишҷўдухтарон – истиқоматкунандагони хобгоҳҳои рақамҳои 1, 2 ва 3 бо мақсади тарбияи ҷавонон ба ҳаёти солим, пешгирӣ аз низоъҳои оилавӣ, бунёди оила ва ҷомеаи солим мизи мудаввар таҳти унвони “Соҳибмаърифатӣ – асоси рушди ҷомеа” доир гардид.

ДДХ

Дар чорабинӣ мудири шуъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд Муҳайё Дадобоева, мудири шӯъбаи тарбияи донишгоҳ Фаридун Ҳодибоев, раиси Шўрои занону бонувони донишгоҳ Зулфия Раҷабова, мудири шӯъбаи кор бо ҷавонони донишгоҳ Эҳсон Наврӯзов ва 100 нафар донишҷўёни дар хобгоҳҳои рақамҳои 1, 2 ва 3 истиқоматкунанда ширкат варзиданд.

Чорабиниро раиси Шўрои занону бонувони донишгоҳ, дотсент З.Раҷабова ифтитоҳ бахшида, дар бораи мафҳуму муҳтавои чорабинӣ ҳарф зад. Мудири шӯъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд М.Дадобоева сухан карда, донишҷўдухтаронро барои пеш бурдани зиндагии шоиста бидуни муноқиша, эҳёи анъанаҳо ва тарғиби сару либосҳои миллӣ, дўст доштани волидайн ва оилаи худ даъват намуд. Мудири шӯъбаи тарбия Фаридун Ҳодибоев дар бораи омилҳои ба вуҷуд омадани низоъҳои оилавӣ ва роҳҳои пешгирии он баромад намуда, барои бунёди оилаи солим якдигарфаҳмӣ, пеша намудани сабру таҳаммул дар зиндагӣ, муносибат ва кору фаъолият, фурў бурдани хашму ғазаб ва оқибатҳои онро ёдовар шуда, татбиқи онро дар зиндагӣ муҳим арзёбӣ намуд.

Пас аз он коршиносон ва донишҷўён ба муҳокимаи масъала баромаданд, ки ҷавондухтарон низ фикру андешаҳои худро баён доштанд ва ба саволҳои худ низ ҷавобҳои мушаххас гирифтанд.

Пас аз баррасии масъалаи мазкур барномаи фарҳангӣ бо иштироки санъаткорони ҷавон, қироати шеърҳо, рақсу сурудҳо аз ҷониби донишҷўён пешкаши ҳозирин гардонида шуд.

Манбаъ: http://sugd.tj/

 

Нет комментариев

Также рекомендуем