Соатҳои донои Matrix PowerWatch сохта шуд, ки аз ҷисми инсон нерӯъ мегирад

0
217 просмотров

Соатҳои донои ғайриоддии Matrix PowerWatch дар майдони краудфандингии Indiegogo пайдо шудааст. Дастгоҳро аз барқ нерӯъ додан лозим нест, он аз гармии ҷисми инсон қувва мегирад.
Дизайни классикӣ ва функтсияҳои инноватсионӣ
Matrix PowerWatch – гаджет дар шакли соат мебошад. Соат дорои гироскоп ва акселерометр мебошад, ки онҳо барои назорат бурдан аз болои дараҷаи фаъолнокии кори ҷисмонӣ имкон медиҳанд ва шумораи қадамҳо, теъдоди каллорияҳои нобудшударо ба ҳисоб мегиранд. Matrix PowerWatch инчунин аз пайи сифати хоб низ назорат мебарад ва чун соати донои аз хоб бедоркунанда кор мекунад.
Барои аз нерӯъ пур шудан соати доно аз гармии ҷисми инсон истифода мебарад. Дар Matrix PowerWatch генератори термоэлектрикӣ ҷойгир карда шудааст, ки ҳангоми дар дасти инсон будан қувваро коркард менамояд. Барои кори дастгоҳ фарқияти ҳарорат зарур мебошад. Як тарафи соат ба гармии сатҳи пӯст пайваст мешавад ва тарафи дигараш бо радиатор пӯшонида шудааст. Аз ҳамин сабаб, соат хунук аст.

Танаи Matrix PowerWatch обногузар мебошад. Бо ин гаджет натанҳо дар зери борон мондан бехатар аст, балки бо ин соати доно то ба 50 метр ба зери чуқурии об даромадан осебнопазир аст. Маълумотҳои асосӣ аз соати доно тавассути Bluetooth ба замимаи смартфон роҳ меёбанд. Дар ин ҷо оиди дараҷаи фаъолнокӣ ва сифати хоб маълумот гирифтан мумкин аст. Инчунин натиҷаи онро байни дӯстон паҳн кардлан имкон дорад.

Нархи соати доно барои нахустин маблағгузорон 99 доллар буда, каме дертар 170 долларро ташкил хоҳад дод. Барои аз истеҳсол баровардани ин соати доно аз 100 ҳазор доллар маблағи лозима аллакай 72 ҳазор доллар маблағ ҷамъоварӣ карда шудааст. Барои пурра ба даст овардани маблағи зарурӣ лоиҳа боз ду моҳ вақт дорад.

Нет комментариев

Также рекомендуем