Собиқадорони меҳнат соҳиби мукофотпулии Президент шуданд

0
538 просмотров

Бахшида ба 24-умин солгарди Истиқлолияти давлатии Ҷумҳурии Тоҷикистон имрӯз ба ҳашт нафар собиқадорони меҳнат, шахсони барӯманди шаҳри Хуҷанд мукофотпулии Президенти Ҷумҳурии Тоҷикистон Эмомалӣ Раҳмон супорида шуд.
Мукофотро намояндаи Ҳукумати Ҷумҳурии Тоҷикистон Асрор Латипов, муовини раиси Ҳизби Халқи демократии Ҷумҳурии Тоҷикистон ва Раиси шаҳри Хуҷанд Раҷаббой Аҳмадзода ба ин шахсон супориданд.
Дар қатори мукофотгирандагон собиқадорони меҳнат ва Шаҳрвандони фахрии шаҳри Хуҷанд Биҳоҷал Раҳимова, Шуҷоат Ҳасанова, Баҳриддин Ахмедов, Толибҷон Ҳасанов, Абдушукур Назаров, Фаросат Набиева ва ҳамчунин Мукаррама Бузурукова, Муминҷон Орипов буданд. Асрор Латипов ба ҳозирон табрикот ва таманниёти неки Президенти Ҷумҳурии Тоҷикистон, Эмомалӣ Раҳмонро расонда изҳори умедворӣ намуд, ки минбаъд низ онҳо баҳри тарбияи насли наврас ва ба камол расондани кадрҳои ботаҷриба кӯмаки худро дареғ намедоранд.
Баъди супоридани мукофоти сарвари давлат Раиси шаҳри Хуҷанд Раҷаббой Аҳмадзода ин собиқадоронро бо ҷашни худшиносию худогоҳӣ,- Истиқлолияти Ҷумҳурии Тоҷикистон табрик намуда, ба онҳо барои иштироки фаъолонаашон дар ҳаёти ҷамъятиву сиёсии шаҳру вилоят сипосмандӣ намуд.
«Мо ҳамеша ба дониш, таҷриба, малакаи бою рангини Шумо такя мекунем. Зеро насли имрӯза аз зиндагиномаю ҳаёти ҳар кадоми Шумо бояд ибрат гирад.»- қайд намуд Раиси шаҳри Хуҷанд.
Собиқадорони меҳнат Баҳриддин Ахмедова ва Биҳоҷал Раҳимова барии қадршиносии меҳнати онҳо, таваҷҷӯҳу эътибори хоса зоҳир намудан ба Президенти Ҷумҳурии Тоҷикистон Эмомалӣ Раҳмон изҳори сипос  намуда, зикр намуданд,ки онҳо ҳамеша худро  дар сафи пеши тадбиқкунандагони дастуру супориш ва сиёсати Ҷаноби Олӣ, мӯҳтарам Эмомалӣ Раҳмон мебинанд.

Дар ин бора http://www.khujand.tj/tg/arhiv/1275-istiqloliyat хабар медиҳад.

Нет комментариев

Также рекомендуем

Как появилась шариковая ручка?

Сначала мы ничего не знаем об этом, потом мы восхищаемся новым изобретением и с радостью начинаем пользоваться им, позже мы привыкаем к этому и впускаем ...