Содироти барқи Тоҷикистон ба хориҷи кишвар

0
272 просмотров

Моҳи апрели соли равон Тоҷикистон ба хориҷи кишвар қариб 128 млн. кВт/соат нерӯи барқ содирот намуд, ки наздики 84%-и он ба Ӯзбекистон рост меояд.

«Моҳи апрели имсол аз нерӯгоҳҳои «Сангтӯда-1» ва «Сангтӯда-2» ба Афғонистон — 12 млн. кВт/соат, Қирғизистон — 9,9 млн. кВт/соат ва Ӯзбекистон — 106,9 млн. кВт/соат нерӯи барқ интиқол дода шуд», — гуфта мешавад дар гузориши «Мониторинг ва огоҳии барвақтӣ дар Тоҷикистон», ки аз ҷониби Вазорати рушди иқтисод ва савдои Тоҷикистон бо дастгирии молиявии САҲА таҳия мешавад.

Ҳаҷми содироти нерӯи барқе, ки дар ин давра ба хориҷи кишвар содирот шудааст, ба ҳудуди 10% аз ҳаҷми умумии нерӯи барқи дар ҳамин моҳ истеҳсолшуда баробар аст.

Ҳаҷми умумии нерӯи барқи истеҳсолшуда аз ҷониби корхонаҳои зертобеъи ширкати «Барқи тоҷик» дар моҳи апрел беш аз 1,4 млрд. кВт/соатро ташкил медиҳад.

Интиқоли барқи Тоҷикистон ба Ӯзбекистон аввали моҳи апрел баъди қариб танаффусми даҳсола аз сар гирифта шуд.

Ҳаҷми содироти нерӯи барқ аз Тоҷикистон ба кишвари ҳамсоя на камтар аз 1,5 млрд. кВт/соат дар як сол пешбинӣ мешавад.

Қаблан Душанбе ва Тошканд дар мавриди нархи интиқоли барқи Тоҷикистон ба Ӯзбекистон ба мувофиқа расида буданд. Дар мавсими тобистон Ӯзбекистон барқро бо арзиши 2 сенти амрикоӣ барои 1 кВт/соат ва дар мавсими зимистон — 2,5 сент барои 1 кВт/соат мехарад.

То ин дам Тоҷикистон нерӯи барқашро танҳо ба Афғонистон ва Қирғизистон дар ҳаҷми начандон назаррас интиқол медод.

Соли гузашта ба Афғонистон бо нархи 4 сент 1,3 млрд. кВт/соат нерӯи барқ интиқол дода шуда, соли равон афзоиши ҳаҷми содироти он ба кишвари ҳамсоя то 1,5 млрд. кВт/соат ба нақша гирифта шудааст. Мувофиқи қарордоди дуҷониба байни «Барқи тоҷик» ва Da Afghanistan Breshna Sherkat, имсол арзиши барқи Тоҷикистон барои Афғонистон 3 фоиз зиёд мешавад.

Манбаъ — news.tj

Нет комментариев

Также рекомендуем

Саҳифаҳои таърихи телефонҳо

Алоқаи  мобилӣ ҷузъи ҷудоншавандаи ҳаёти инсони муосир гардид. Бино ба иттилоъи сомонаи nm.tj дар Тоҷикистоне, ки 7,5 млн. нафар аҳолӣ умр ба сар мебарад, 6,5 ...