Тибқи омор шумораи муҳоҷироне, ки соли 2015 тавассути баҳри Мёназамин
ба Аврупо ворид гардидаанд, 1 миллиону 573 нафарро ташкил медиҳад. Дар ҳамин ҳол гузориш дода мешавад, ки ҳангоми кӯшиши вуруд 3 ҳазору 735 нафар ғарқшудаву бедарак гардидаанд. Дар ин бора намояндаи расмии Созмони Милали Муттаҳид Эдриан Эдвардс дар шаҳри Женеваи Швейтсария зимни нишасти хабарӣ гузориш дод. Аз теъдоди умумии муҳоҷирон 844 ҳазору 173 гуреза ба Юнон, 152 ҳазору 700 нафар ба Италия, 3 ҳазору 592 кас ба Испания ва 105 нафар ба Малта ворид гардидаанд. Аз ин нишондод 49 дарсадро шаҳвандони Сурия, 21 фисад шаҳрвандони Афғонистон, 8 дарсадро шаҳрвандони Ироқ ва 22 фисадро сокинони дигар кишварҳои ноороми сайёра дарбар мегирад.
Манбаъ: http://jahonnamo.tj/
Нет комментариев