Соли навро бо боришот пешвоз мегирем?

0
546 просмотров

Имрӯз, 27 декабр дар тамоми ҷумҳурӣ ҳавои абрнок шуда, борон ва дар баъзе минтақаҳо барф пешгӯйӣ мешавад.
Бино ба маълумоти мутахассисони Агентии обуҳавошиносии кишвар, дар шаҳри Душанбе ҳавои абрнок шуда, борон меборад. Дар баъзе ҳолатҳо бориши борон шиддат мегирад. Шамол аз самти ғарб бо суръати аз 2 то 7 метр дар як сония мевазад. Ҳаво аз 7 то 9 дараҷа гарм мешавад.
Дар вилояти Бадахшон ҳаво абрнок шуда, борону барф меборад. Шамол аз самти ғарб бо суръати аз 3 то 8 метр дар як сония мевазад. Ҳаво дар ғарби вилоят аз 2 то 7 дараҷа гарм ва дар шарқи ин вилоят аз 1 то 6 дараҷа хунук хоҳад шуд.
Дар вилояти Xатлон ҳавои абрнок шуда, борон меборад. Дар баландиҳои 2000 ҳазор метр бориши барф ба қайд гирифта шудааст. Раъду барқ ба амал меояд. Шамол аз самти ғарб бо суръати аз 3 то 8 метр дар як сония мевазад. Ҳаво аз 7 то 12 дараҷа гарм мешавад. Дар доманакӯҳҳо аз 4 то 9 дараҷа гармӣ пешгӯйӣ мешавад.
Дар вилояти Суғд ҳавои абрнок пешгӯйӣ шуда, дар баландиҳои 2000 метр барф меборад. Дар баъзе ноҳияҳо бориши барф шиддат мегирад. Шамол аз самти ғарб бо суръати аз 3 то 8 метр дар як сония мевазад. Дар водиҳо аз 3 то 8 дараҷа гарм хоҳад шуд.

Мавод аз сомонаи Gismeteo

Мавод аз сомонаи Gismeteo

Дар ноҳияҳои тобеи марказ ҳавои абрнок ва бориши борон дар назар аст. Дар баландиҳои 1500 метр барф меборад. Шамол аз самти ғарб бо суръати аз 2 то 7 метр дар як сония мевазад. Ҳаво дар водиҳо аз 5 то 10 дараҷа гарм мешавад. Дар ноҳияҳои кӯҳӣ ҳаво то 5 дараҷа гарм мешавад.

Манбаъ: АМИТ «Ховар»

Нет комментариев

Также рекомендуем