Sonnet смартфонро ба ратсия табдил медиҳад

0
487 просмотров

Смартфонҳои мо ҳангоми дастнорас будани шабака (масалан, дар ҳолати  сар задани офатҳои табиӣ) ба шабака шомил шуда ва ё онро дастгирӣ карда наметавонанд. Дар фарқият аз он смартфонҳо, ратсияҳо ҳамеша ва дар ҳамаҷо кор мекунанд, вале онҳо як қатор камбудиҳо доранд. Ратсияҳо  калонҳаҷманд ва садоро нисбататн бо сифати паст медиҳанд. Гаджети нави Sonnet ба смартфонҳои муқаррарӣ тамоми афзалиятҳои алоқаи доимии беноқилро медиҳад, ки ин чиз ба ратсияҳо хос мебошад.

Sonnet шабакаи мобилии шахсии худро месозад, ки ҳатто ҳангоми мавҷуд набудани шабакаи провайдерҳо ва дастрасии интернет, барои кор кардан ба смартфонҳо имконият медиҳад. Тавассути он ҳар лаҳза паёмак, сабтҳои овозӣ, суратҳо, файлҳо, GPS-координатаҳо ва ҳоказоро фиристодан мумкин аст. Имкониятҳои Sonnet натанҳо ҳангоми сафари дуру дароз лозим мешавад, балки он инчунин дар рафти сафар ба хориҷа ё чорабиниҳои бузург, ки одатан ин ҳангом алоқаи мобилӣ пурра аз кор мондааст, лозим мебошад.

Sonnet мавҷҳои сусти дурандарози радиоиро истифода мебарад, ки ин омил ба дастгоҳ барои бе алоқаи мобилӣ ва провайдерҳо кор кардан имконият фароҳам меорад. Гаджет тавассути алоқаи беноқил ба смартфон пайваст мешавад ва баъдан он метавонад маълумотҳои асосиро ба дурии то 5 километр, ба дигар смартфонҳо интиқол диҳад, ки бо  Sonnet алоқаманд мебошанд. Агар дар байни модулҳо мамониятҳои калон мавҷуд набошанд, ин масофа метавонад то 15 километр тӯл шавад.

Sonnet технологияи mesh-шабакаҳоро истифода мебарад ва онҳо ба дастгоҳ тавассути истифодабарандагони дигар, ки дар наздикӣ қарор доранд, барои интиқол додани маълумот имконият медиҳанд. Технологияи mesh-шабакаҳои Sonnet доираи фаъолияти гаджетро то ба ҳадуди 80 километр васеъ мекунад.

Дигар функтсияҳои муфиди Sonnet инҳо мебошанд: маҷмӯи оффлайн-кортҳои ҷуғрофӣ дар замимаи гаджет, тӯбчаи садамавӣ ва батареяи ғунҷоишаш 4000 милиампер соат, ки барои нерӯгирии смартфон имконият медиҳад.

Гаджет ҳамагӣ 160 грамм вазн дошта, дорои худмуҳофизат аз рӯи синфи IP66 мебошад ва аллакай моҳи ноябри соли равон бо нархи 90 доллар барои ҳарду гаджет, ки якдигарро комил мегардонанд, дастрас мегардад.

Нет комментариев

Также рекомендуем