Спитамен ноҳияи бостонии Тоҷикистон аст

0
55 просмотров

Спитамен — яке аз ноҳияҳои идории вилояти Суғд аст. Маркази ин ноҳия шаҳраки Нов мебошад. Аҳолиаш 128 700 нафарро ташкил медихад. Масоҳат: 496,7 км² Масофа: 28 км ҷанубу ғарбтар аз шаҳри Хуҷанд ҷойгир аст. Аз Спитамен то Душанбе 294 км роҳ аст.

Ноҳияи Спитамен бо сарзамине 355,7 км² дар водии Фарғона ҷой дорад. Дар шимол бо ноҳияи Мастчоҳ, дар шарқ — бо ноҳияи Расулов, дар ғарб — бо ноҳияи Ғончӣ аз ноҳияҳои вилояти Суғд ҳамсоя ва дар ҷануб бо ноҳияи Лайлаки вилояти Бодканди Қирғизистон ҳаммарз аст.

Таърих

Ин ноҳия 29 сентябри соли 1926 чун ноҳияи Нов дар бахше аз округи Хуҷанд дар Ҷумҳурии Узбекистон таъсис ёфта аст. 10 майи соли 1929, бино бар Қарори III анҷумани Шуроҳои ҶШС Узбакистон округи Хуҷанд ба Ҷумҳурии Тоҷикистон дода шуд ва дар октябри соли 1929 бахше аз Тоҷикистон шуд.

21 ноябри соли 2003 бар асоси Қарори № 460 Маҷлиси Миллии Маҷлиси Олии Ҷумҳурии Тоҷикистон ба ёди Спитамен ноҳияи Спитамен номида шуд.

Спитамен (порсии бостон:Spitamana,  Σπιταμένης, ) сипаҳсолори суғдӣ ва раҳбари шӯриши суғдиён  ва балхиён бар Александр дар соли 329 то милод буд.

Мардум

Мардуми ноҳияи Спитамен бо забонҳои тоҷикӣ ва ӯзбекӣ сухан мегӯянд. Бар пояи омори соли 2015, ноҳияи Спитамен 128 700 тан ҷамъият дошт ва зичии аҳолияш 321,7 кас дар км² буд.

Сарвари ноҳияи Спитамен Раиси Ҳукумати он аст ки вайро Раиси Ҷумҳурии Тоҷикистон таъйин мекунад. Ниҳоди қонунгузори ноҳияи Спитамен Маҷлиси намояндагони халқӣ мебошад ки онро раъйдиҳандагони ноҳияи Спитамен барои 5 сол интихоб мекунанд.

Иқтисод

Ноҳияи Спитамен 288 хоҷагии кишоварзӣ, аз ҷумла 283 хоҷагии деҳқонӣ, дорад. Ҳаҷми умумии заминҳои корами ноҳия 16 425 га, аз ҷумла 15 821 га замини обӣ, аст. Маҳсули аслии кишоварзии ноҳия пахта, сабзавот, ғалла ва качолу аст.

Ҷиҳати рушди соҳаи саноат танҳо дар панҷ соли охир дар ноҳия 15 корхонаи нав ба фаъолият оғоз карда, истеҳсоли маҳсулоти саноатӣ бамаротиб афзоиш ёфтааст. Яке аз иншооти зикршуда Корхонаи муштараки ҶСП “Норд Азия Металл” мебошад.

Бунёди корхонаи мазкур бо ҳамкории соҳибкорони маҳаллӣ ва сармоягузорони Ҷумҳурии Мардумии Чин ду сол пеш оғоз ёфта, барои сохтмони он беш аз 23 миллион сомонӣ равона шудааст. Корхонаи «Норд Азия» баъди бо иқтидори истеҳсолии пурра ба кор даромаданаш дар як сол ба маблағи 50 миллион сомонӣ маҳсулот истеҳсол менамояд ва 120 нафар сокинони маҳаллиро бо ҷойи кори доимӣ таъмин месозад.

Фаъолияти корхонаи ҶДММ “Спитамен Ойил” низ оғоз гардид, ки бо иқтидори коркарди 150 тонна ашёи хом дар як шабонарӯз бунёд гардида, равғани растанӣ истеҳсол мекунад. Коргоҳ дар як сол метавонад то 30 ҳазор тонна равғани растании тоза истеҳсол намояд. Илова бар ин, дар корхона дар асоси технологияи замонавӣ хӯроки махсуси ғизоноки паранда истеҳсол мегардад. Дар корхонаи мазкур низ 120 нафар сокинони маҳаллӣ бо ҷойи корӣ таъмин карда мешаванд.

 

Нет комментариев

Также рекомендуем

Чего мы не знали о гусеницах

Каждый ребенок знает, что гусеница – это, не что иное, как личинка бабочки. Практически все гусеницы питаются растениями, то есть листьями, цветами, иногда плодами. Но ...