Соли равон ба ангиштканони вилояти Суғд бори аввал дар таърихи соҳибистиқлолии кишвар муяссар гардид, ки истеҳсоли ангиштро ба беш аз 1 млн тонна расонанд. Дар ин бора аз шуъбаи энергетика ва саноати мақомоти давлатии ҳокимияти давлатии вилояти Суғд хабар доданд.
-Натиҷаи бадастовардаи саноатчиёни вилоятро чун нишондиҳандаи рекордӣ арзёбӣ кардан мумкин аст. Тибқи маълумоти оморӣ дар конҳои ангишти вилоят давоми 11 моҳ 1 миллиону 89,4 ҳазор тонна ангишт истихроҷ карда шуд, ки нисбат ба ҳамин давраи соли гузашта 361,3 ҳазор тонна ё 1,5 маротиба зиёд мебошад-хабар дод манбаъ.
Ҳоло дар вилояти Суғд нуҳ коргоҳи ангишт фаъолият доранд, ки нақбканони ду кони ангишт — «ФонЯғноб» -и ноҳияи Айнӣ ва «Ғузн»-и ноҳияи Кўҳистони Мастчоҳ ба натиҷаи бештар ноил гардидаанд.
Нет комментариев