Суғд: Буҷети соли 2019 зиёда аз 2,4 миллиард сомонӣ хоҳад буд

0
57 просмотров

27 декабри соли 2018 дар толори хурди Мақомоти иҷроияи ҳокимияти давлатии вилоят таҳти раёсати Раиси Маҷлиси вакилони халқи вилоят, Раиси вилоят Раҷаббой Аҳмадзода иҷлосияи ҳабдаҳуми Маҷлиси вакилони халқи вилояти Суғд, даъвати панҷум баргузор гардид.

Кори иҷлосияи ҳабдаҳуми Маҷлиси вакилони халқи вилояти Суғд, даъвати панҷум бо садо додани Суруди миллӣ шуруъ гардида, ҳайати котибот ва масъалаҳои баррасишаванда тасдиқ карда шуданд.

Аз руйи масъалаи якуми рӯзномаи иҷлосия ҳисоботи Раиси вилоят Раҷаббой Аҳмадзода дар бораи фаъолияти мақомоти иҷроияи ҳокимияти давлатии вилоят дар ёздаҳ моҳи соли 2018 шунида шуд.

Раиси вилоят сараввал иброз дошт, ки рӯзи гузашта Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон “Дар бораи самтҳои асосии сиёсати дохилию хориҷии Ҷумҳурии Тоҷикистон” ба Маҷлиси Олии Ҷумҳурии Тоҷикистон ирсол гардида, саноатикунонии мамлакат ҳадафи чоруми миллӣ эълон карда шуд.

Дар робита ба дастовардҳои давраи ҳисоботӣ қайд гардид, ки Мақомоти иҷроияи ҳокимияти давлатии вилоят дар ёздаҳ моҳи соли равон ҷиҳати татбиқи сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва иҷрои дастуру супоришҳои Сарвари давлат, ки аз Паём ба Маҷлиси Олии Ҷумҳурии Тоҷикистон ва сафарҳои корӣ ба шаҳру ноҳияҳои вилоят бармеоянд, тадбирҳои заруриро роҳандозӣ намуд.

Раиси вилоят дар идома изҳор дошт, ки дар давраи ҳисоботӣ таъмини рушди устувори иқтисодиёт, пешгирии ҳавфҳои эҳтимолӣ вобаста ба таъсири омилҳои беруна, баланд бардоштани сатҳи некўаҳволии аҳолӣ, таъсиси корхонаҳои нав, истифодаи самараноки иқтидорҳои мавҷуда, фароҳам овардани ҷойҳои нави кории мутобиқ ба стандартҳои ҷаҳонӣ ва барқарор намудани ҷойҳои кории барҳамдодашуда, ҳамаҷониба таъмин намудани дастгирии давлатии соҳибкорӣ, бахусус дар самти истеҳсоли маҳсулоти ивазкунандаи воридот ва афзунгардонии потенсиали содиротии минтақа, баланд бардоштани ҳосилнокии зироатҳо ва боғу токзор, афзоиши саршумори чорво, ривоҷи соҳаи тухмипарварӣ ва зотпарварӣ, сохтмон ва шаҳрсозӣ, беҳтар намудани обрасонӣ, барқарор кардани пойгоҳҳои обкашӣ, азхудкунии заминҳои нав, баланд бардоштани боздеҳи замин, рушди ҳунарҳои дастӣ, баланд бардоштани маърифати ҳуқуқии шаҳрвандон ҳамчун самтҳои афзалиятноки фаъолият қарор дода шуд.

Дар натиҷаи амалишавии тадбирҳои судманд рушди босуръати соҳаҳои гуногун, аз ҷумла соҳаи саноат таъмин гардида, зиёдшавии саҳми он дар ташаккули маҷмўи маҳсулоти минтақавӣ мушоҳида мешавад. Ҳаҷми маҷмўи маҳсулоти минтақавии вилоят дар моҳҳои январ — сентябри соли 2018 ба 12 миллиарду 766,2 миллион сомонӣ расида, ҳиссаи истеҳсолоти саноатӣ дар сохтори маҷмўи маҳсулоти минтақавӣ 32,1 фоизро ташкил дод. Ҳиссаи соҳаи саноати вилоят дар ташаккули ҳаҷми маҳсулоти саноатии ҷумҳурӣ хеле назаррас буда, ҳаҷми истеҳсоли маҳсулоти саноатӣ дар ёздаҳ моҳи соли 2018 ба 10 миллиарду 300,8 миллион сомонӣ расонида шуд, ки баробари 108,7 фоизи ҳамин даври соли сипарӣ мебошад.

Яке аз дастовардҳои соҳаи саноат дар давраи ҳисоботӣ афзоиши содироти маҳсулот ба хориҷи кишвар маҳсуб меёбад. Аз ҷумла, аз оғози сол то имрӯз ба миқдори 435 ҳазор тонна семент ба маблағи 20,2 миллион доллари ИМА содирот карда шудааст, ки нисбат ба ҳамин даври соли 2017 мутаносибан 201,1 ҳазор тонна ва 10,5 миллион доллар  зиёд мебошад.

Бунёду ба истифодадиҳии 88 корхонаи нави саноатӣ бо 1406 ҷойи нави корӣ аз дастовардҳои дигари соҳаи саноат ба ҳисоб меравад.

Таъкид гардид, ки соҳаи кишоварзӣ яке аз самтҳои асосӣ ва афзалиятноки пешбурди иқтисодиёти вилоят маҳсуб ёфта, нақши он дар таъмини амнияти озуқаворӣ, рушди соҳаҳои саноат, афзоиши имкониятҳои содиротии вилоят ва таъсиси ҷойҳои нави корӣ хеле муҳим мебошад Дар давраи ҳисоботӣ кишоварзони вилоят барои рушди соҳа тадбирҳои судманд андешиданд, ки дар натиҷа дар ҳамаи шаклҳои хоҷагидорӣ ба маблағи 7 млрд. 476,9 миллион сомонӣ маҳсулоти кишоварзӣ истеҳсол карда шуда, суръати афзоиш нисбат ба ҳамин даври соли  гузашта 107,6 фоиз таъмин гардид.

Кишоварзони вилоят дар таъмини амнияти озуқаворӣ саҳми арзанда гузошта, инчунин ба маблағи 9,5 миллион доллари ИМА маҳсулоти кишоварзӣ содирот намуданд.

Раиси вилоят ҳамзамон вобаста ба вазъи соҳаҳои сохтмон ва меъморӣ, нақлиёт ва коммуникатсия, илму маориф ва фарҳанг, тандурустӣ, кор бо занон ва оила, кор бо ҷавонон ва варзиш, сайёҳӣ, меҳнат, шуғл ва ҳифзи иҷтимоии аҳолӣ дар давраи ҳисоботӣ андешаҳояшро баён дошт.

Иттилоъ дода шуд, ки ба истиқболи 30-солагии Истиқлолияти давлатии Ҷумҳурии Тоҷикистон дар шаҳру ноҳияҳои вилоят бунёду азнавсозӣ ва таъмиру тармими зиёда аз 6000 иншоот пешбинӣ гардидааст. Амалисозии нақшаҳои тарҳрезишуда бомаром идома дошта, дар моҳҳои январ — ноябри соли равон аз ҷониби Мақомоти иҷроияи ҳокимияти давлатии вилоят ва шаҳру ноҳияҳо ва соҳибкорону саҳоватмандон наздик 1000 иншооти таъиноташон гуногун мавриди баҳрабардорӣ қарор дода шуданд.

Дар идомаи кори иҷлосия лоиҳаи қисми даромади буҷети вилояти Суғд барои соли 2019 ва лоиҳаи қисми хароҷоти буҷети вилояти Суғд барои соли 2019 муаррифӣ карда шуд. Аз руйи масъалаи мазкур сардори Сарраёсати молияи вилоят Анвар Мирзозода маърӯза намуда, изҳор дошт, ки буҷети вилоят дар соли оянда 2 миллиарду 404 миллиону 300 ҳазор сомонӣ пешбинӣ шуда, хароҷот дар ин давра беш аз 1,8 миллиард сомониро ташкил медиҳад. Вакилон пас аз баррасӣ буҷети вилояти Суғд барои соли 2019-ро қабул намуданд.

Аз руйи масъалаҳои дигари рӯзнома ҳисоботи масъулини комиссияи доимии Маҷлиси вакилони халқи вилоят оид ба масъалаҳои қонуният ва тартиботи ҳуқуқӣ, ҳисоботи вакили Маҷлиси вакилони халқи вилоят аз ҳавзаи интихоботии “Адрасмон”, №16 Бахтиёр Маҷидов оид ба иҷрои ваколати вакилӣ, ҳисоботи комиссияи доимӣ оид ба танзими анъана ва ҷашну маросими мақомоти иҷроияи ҳокимияти давлатии вилоят низ шунида шуд.

Оид ба номгузории объектҳои физикию ҷуғрофӣ муовини Раиси вилоят Назира Ғаффорӣ гузориш дод. Зикр гардид, ки бо дархости Маҷлиси вакилони халқи ноҳияи Бобоҷон Ғафуров ва зиёиёну сокинони деҳаи Сартӯқай номи ин деҳа ба Зарбоғ иваз карда мешавад.

Дар идомаи кори Иҷлосияи ҳабдаҳуми Маҷлиси вакилони халқи вилояти Суғд, даъвати панҷум нақшаи генералии шаҳри Бӯстон тасдиқ гардида, вакилони халқ якчанд карорҳои Раиси вилоятро тасдиқ намуданд.

Раиси вилоят Раҷаббой Аҳмадзода дар фарҷом дар назди масъулин ҷиҳати иҷрои дастуру супоришҳои Пешвои миллат муҳтарам Эмомалӣ Раҳмон, ки дар Паёмашон ба Маҷлиси Олии Ҷумҳурии Тоҷикистон зикр гардид, инчунин ба анҷом расонидани шудгори тирамоҳӣ, яхобмонӣ, омодасозии пойгоҳҳои обкашӣ, аёдати қишри ниёзманди ҷомеа дар арафаи Соли нави мелодӣ вазифагузорӣ намуд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

14 причесок, которые можно сделать за 3 минуты

Если времени на создание прически в обрез, а ходить с распущенными волосами надоело, то эти лайфхаки — то, что нужно. AdMe.ru готов поспорить, что так быстро и круто вы еще ни разу не собирали волосы. ...
%d такие блоггеры, как: