Суғд: зиёда аз 72 ҳазор тонна пахта ҷамъоварӣ шудааст

0
286 просмотров

То  3 ноябри соли ҷорӣ дар ҳафт навоҳии пахтакори вилояти Суғд  72 ҳазору 117 тонна пахта ҷамъоварӣ шудааст, ки ба 62,66%-и дурнамо баробар аст. Тавре ки ба АМИТ Ховар  Абдуазиз Маҳмудов, сармутахассиси Сарраёсати кишоварзии вилояти Суғд хабар дод,  ҳоло дар вилоят дар маъракаи чиниши пахта кишоварзони ноҳияҳои Конибодом (иҷро-73,57%),  Ашт (70,83%), Спитамен ( 68,25%) ва Ҷ. Расулов (67,37%)  пешсафанд. То аввали моҳи ноябр оид ба иҷрои нақшаи  пахта  беш аз 100 хоҷагии хурду миёнаи пахтакор мужда доданд. Дар вилоят 35 корхонаи коркарди пахта амал карда, ҳамарӯза наздик ба 60 тонна пахта ба коргоҳҳои мазкур ворид мешаванд.
Бояд гуфт, ки имсол дар вилоят дар майдони 42 ҳазору 953 гектар пахта кишт гардида, қарор аст то охири соли ҷорӣ 115,1  ҳазор  тонна «тиллои сафед» ҷамъоварӣ шавад.

Манбаъ: http://khovar.tj/

Нет комментариев

Также рекомендуем