Нафаре нест, ки имрӯз Субҳон Ҷалиловро бо он садои зебову барномаҳои рангину дилнишинаш надонаду нашиносад. Субҳон дар ҳама барномаҳое, ки хоҳ дар телевизион ё радио  мебарад ҳамагонро ба сӯи муҳаббату дӯстдори даъват месозад, зеро дар худаш алакай он самимияту дӯстдориро ҳар бинандаву шунавандаи азизаш эҳсос кардааст. Имрӯз Субҳон Ҷалилов ба ҳайси Директори барномаҳо ва ровӣ дар радиои «Ватан» фаъолият мебарад. Ӯ чанде қабл меҳмони кошонаи радиои «Тироз» буду дар барномаи мустақими «Ҳамроз» иштирок карда, ба чанд саволҳои мо посух гуфт, ки инҷо фишурдаи онро пешкаши Шумо хонандаи азиз месозем.

Субҳон Ҷалилов салом ва Шуморо хайрамақдам мегӯям ба радиои «Тироз».

Субҳон Ҷалилов: Ташаккур ба роҳбарияти радиои «Тироз»  Хуршед Ӯлмасов  ва ба кулли кормандону нафароне, ки инҷо кору фаъолият мебаранд. Ва ман ҳар гоҳе, ки вориди шаҳри Хуҷанд мешавам албатта, аз як чиз дар ҳайрат мемонам  аз меҳмоннавозиву муҳаббати самимии ин мардум. Дар воқеъ мардуми шаҳри Хуҷанд инсонҳои меҳмоннавозу меҳмондӯст ҳастанду аз он пешвозгирии гарму зебояшон хело хушҳол ҳам мегардам.

Субҳон мегуфтед, ки бояд журналист дар худ чи гӯна рисолатҳоро дошта бошад?

Субҳон Ҷалилов: Аслан вазифаи тамоми худи журналистон воқеиятро барои мардум гуфтан ва як пуле будан миёнӣ мардуми оддӣ ва онҳое, ки барои беҳтар сохтани зиндагии мардум ҳастанд ва пешниҳоди иттилои сареҳ, гуфтани ҳақиқати зиндагӣ ва дар маҷмӯъ хубтар ва беҳтар кардани зиндагии шахсонӣ кор уфтода ба ин ва ё он ниҳодҳое, ки бояд онҷо корашон буд шавад. Ва ман фикр мекунам ин аст рисолати аслии журналист яъне хушҳол сохтани мардум.

Ва инҷо мехостам ҳаминро бифаҳмам, ки Субҳон то ҷое тавониста, ки ҳамин рисолатро иҷро карда бошад дар радиои «Ватан»?

Субҳон Ҷалилов: Ман фикр намекунам, ки ҳоло мо кадом кореро барои мардум иҷро карда бошем, вале ба ҳарсурат дар талош ҳастем, ки ҳар субҳ рӯзи мардум хуб оғоз шавад. Дар талошам, ки масалан беҳтарин барномаву сурудҳоро барои ҳар шунавандаи азиз бигардонаму онҳро хушҳол созам. Агар то ҷое тавонистам дар ин роҳ мардумро хушнуду сарбаланд гардонидан худро шахси хушбахт эҳсос хоҳам кард.

Subhon-Jalilov-in-Tiroz (10)

Савол аз шунавада: Мехостам бифаҳмам, ки устоди Шумо дар инҷода, ки аст?

Субҳон Ҷалилов: Соли 1998 буд ба фикрам ба идораи ҷавонии радиои «Тоҷикистон» ба ҳайси коромӯз омадам ҳар нафаре, ки як рӯз пештар аз ман омада буд ба ин радио устоди ман аст. Бо он, ки ман дар факултаи техники таҳсил мекардам аз рӯи ихтисос муҳанандис ҳастам дар соҳаи радио физика ва электроника, лек онҷо бисёр чизҳоро омӯхтам.

Аслан биёед баргардем сари масъалаи ҳамкориҳои радиои «Тироз» бо радиои «Ватан» дар ин бобат мехостам чанд нуктаро қайд мекардед?

Субҳон Ҷалилов: Воқеан ҳам ман хело зиёд мамнунам ҳастам, ки дар барномаи «Ҳамроз» имрӯз ба ҳайси меҳмон қарор дорам  ва метавонам  барои Шумо чизе бигӯям дар бораи ҳамкори мехостам ҳаминро қайд созам. Мавҷҳо маҳдуд мешаванд аммо муҳаббату дӯстдориву самимият маҳдуд намешавад, мо дар доираи ҳамкориҳо бо  радиои «Тироз» як қатор нақшаҳоро пиёда, кардани ҳастем ва ман ин дафъа радиои «Тироз»ро  воқеан ҳам радиои чанд қадам пешрафта, дарёфтам махсусан дар самти мултимедия, ҳатто таҷрибае, ки инҷо амали мекунед назири ӯро дар марказ пойтахт қариб, ки намебинам ин маънии онро дорад, ки «Тироз» дар самте, ки интихоб кард хеле ҳирфаӣ бархӯрд  мекунад ва албатта бисёр натиҷаҳои хуб ҳам дорад. Ин ҳамчун моро ҳамкори радиои Шумо яъне, ки шарики кор бисёр хурсанд ҳам мекунад. Таманиёти роҳбарияти радиои мо ҳам ҳаст, ки радиои «Тироз» ҳамеша муваффақ бошаду ҳамингуна, рақами як бимонад.

Ҳадаф аз сафар ба вилояти Суғд дар чист?

Субҳон Ҷалилов: Мо як лоиҳа, дорем дармонгоҳи ҳуқуқи ном дорад дар  Душанбе рӯи мавҷи радиои «Ватан» ҳаст адвокат ба саволи шунавандаҳо комилан ройгон посух мегӯяд. Ва мо хостем ин лоиҳаро ба шаҳри Хуҷанд низ биёрем ба хотири он, ки бовардоштем инҷо «Тироз» ҳаст дӯстони мо ҳастанд  бигзор ба саволҳое, ки барои мардум шавқовар аст, ҳуқуқшиносон посух бигӯянд тавассути мавҷи 103,7FM. Ман фикр мекунам, ин пешниҳод барои ҳуқуқшиносон хело хуб пазируфта, шуд зеро онҳо аз пешниҳоди ин лоиҳа хушҳол ҳам шуданд.

Субҳон паси оне, ки имрӯз меҳмони мо шудед ҳеҷ мехоҳед, ки ба шаҳри Душанбе баргардед?

Субҳон Ҷалилов: Ман дар ҳолате қарор дорам, ки мехоҳам, ки наравам ва омода ҳастам, ки ба ҳайси посбон бошам, (механдад) инҷо эҳсос мекунам, ки радиои «Тироз» муҳаббатҳоро зиёд месозад.

Subhon-Jalilov-in-Tiroz (12)

Ман то ҷое медонистам дар телевизион ҳам кор мекардед барномаи «Пухту-паз»  доштед оё ҳамин барнома тавонист, ки ба Субҳон чизеро дар бораи пазандагӣ омӯзонида бошад.

Субҳон Ҷалилов: Ман пеш аз барнома,  пухту паз карда метавонистам барои он, ки даврони донишҷӯи дар манзили иҷораамон худамон ин корро мекардем ва қариб, ки ҳамаи хӯрокҳоро пӯхта метавонам, лек ба мисли пазандаҳои машҳури шаҳри Хуҷанд не!

Ташаккур Субҳон бори дигар сипос мегӯям, ки даъвати моро пазируфта, ба радиои «Тироз» омадед ва дар фарҷом чӣ гуфтаниҳои дигар ҳаст?

Субҳон Ҷалилов:  Ман аввалтар аз ҳамкориву шарики бо радиои «Тироз» хело зиёд хурсанд ҳастам ташаккур мегӯям бори дигар ба роҳбарияти ин боргоҳи муқаддас, ки ба мо он қадар меҳрубон мекунанд. Ва дур нест, ки дар доираи ҳамкориҳои мо баъзе аз  барномаҳои беҳтарини радиои «Тироз» аз тариқи радиои «Ватан» барои шунавандаи азизи пойтахт пахш гардида буд. Ман фикр мекунам, мо бояд бисёр чизҳоро аз радиои «Тироз» биомӯзем, махсусан дар самти дасовардҳои инҷо мултимедия, ки назаррас аст. Дар бозори иттилооти 15-сол  мавқеи уствор доштан, ин кори осон нест. Самимона табрик мегӯям ҳайати эҷодиву техникии радиои «Тироз»ро бо 15 солагии фаъолият ва бигузор «Тироз» 100-сол бошаду пешсаф ва ҳамингуна, доираи шунавандагонаш васеъ бошад.

Subhon-Jalilov-in-Tiroz (1) - копия

Порчае аз сабти барнома:

1 КОММЕНТАРИЙ

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.