Суғд: Наздик 2 ҳазор километр роҳҳо таъмир шуд

0
751 просмотров

Барномаи вилоятии «Соли 2015 – идомаи соли роҳҳои обод» дар саросари вилояти Суғд мавриди татбиқ қарор дорад.  Корҳои навсозии роҳҳо дар шаҳру навоҳии вилоят идома дошта, то ба имрӯз дар ҳудуди вилоят 1954,26 километр роҳҳо аз таъмир бароварда шудааст. Аз ин миқдор 28,31 км роҳҳо пурра мумфарш шудааст. Ҳамзамон 675,65 километр роҳҳои маҳаллӣ бо асфалт аз таъмири ҷорӣ бароварда шуда, 1250,3 км роҳҳо шағалпӯш карда шудааст. Бояд гуфт, ки соли сипаришудаи 2014 дар қаламрави вилояти Суғд соли роҳҳои обод эълон гардида буд. Дар ин сол ҳолати беш аз 2800 км роҳҳои вилоят беҳтар карда шуд. Абдураҳмон Қодирӣ борҳо зимни мулоқотҳояш бо сокинон изҳор дошта буд, ки пуштибонии аҳолӣ аз ин иқдом сабаби аслии иҷрои барномаи мазкур дар соли 2014 буд ва ӯ бовар дорад, ки имсол низ Барномаи вилоятии «Соли 2015 – идомаи соли роҳҳои обод» пурра ба иҷро хоҳад расид. Тибқи барнома имсол беш аз 3100 км роҳҳо таъмир мешаванд ва барои анҷоми корҳои барқарорсозӣ зиёда аз 91 миллион сомонӣ сарф хоҳад шуд. Дар ин бора аз хадамоти матбуотии раиси вилоят иттилоъ доданд. 

 

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: