Тақдими кӯмакҳои наврӯзии Раиси вилоят ба собиқадорон

0
350 просмотров

Дар толори хурди Мақомоти иҷроияи ҳокимияти давлатии шаҳри Хуҷанд бо иштироки муовини Раиси вилоят Назира Ғаффорӣ ва роҳбарияти шаҳри Хуҷанд ба 33 нафар собиқадороне, ки барои пешрафти соҳаҳои гуногуни хоҷагии халқи вилоят ва ҷумҳурӣ саҳми арзанда гузоштаанд, кӯмакҳои якдафъаинаи Раиси вилояти Суғд Раҷаббой Аҳмадзода тақдим карда шуд.

Назира Ғаффорӣ, муовини Раиси вилояти Суғд паёми табрикотии Раиси вилоят Раҷаббой Аҳмадзодаро ба собиқадорон расонид, ки дар он аз ҷумла гуфта шудааст: «Сокинони шарафманди вилояти Суғд чун дигар ҳамватанон шукргузорӣ аз он менамоянд, ки бо иқдоми наҷиб ва шоистаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иди миллӣ ва аҷдодии мо – Наврӯз дар сатҳи ҷаҳонӣ ҳамчун рамзи дӯстии халқҳои соҳибфарҳанг ва тамаддунпеша бо шаҳомати хоса таҷлил мегардад. Ҷаҳонӣ гардидани ин ҷашни аҷдодӣ аз он гувоҳӣ медиҳад, ки даар шароити кунунӣ воқеан ташаббусҳои Сарвари давлати мо ҳамчун ибтикори инсонгароёна ва ифодагари ниёзҳои башарият аз сӯйи ҷомеаи ҷаҳонӣ истиқболи самимӣ пайдо намуда, мавқеъ ва мақоми кишвари соҳибтамаддуни моро дар арсаи олам боло мебардорад. Имрӯз ин ҷашни бостониву фархундаро аҳли сайёра ҳамчун нишонаи эҳёи табиат, рамзи сулҳу дӯстӣ, вусъати ободкориву созандагӣ ва робитаҳои неки байни халқу миллатҳои гуногуни дунё истиқбол мегиранд».

Сипас аз ҷониби муовини Раиси вилоят Назира Ғаффорӣ ва роҳбарияти шаҳри Хуҷанд ба 33 нафар собиқадорони аҳамияти ҷумҳуриявӣ ва вилоятидошта кӯмакҳои пулӣ тақдим карда шуд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Нозукии хатарноки usb-интерфейс ошкор шуд

Таҷҳизоти мутобиқшуда бо интерфейси USB, ба ҳаёти мо пурра ворид шудааст. Имрӯзҳо кам нестанд нафароне, ки бо худ таҷҳизоти захиракунандаи USB, бо ибораи дигар флешка доранд. ...