Рӯзатонро ба хайру шодӣ бод, — мегӯям ба Шумоён, истифодабарандагони азизу арҷманд!
Имрӯз саҳарӣ дар маҷлиси кориамон иштирок намудам ва бояд қайд намоям, ки дар ҷадвали барномаҳои мо тағйироти назаррас дароварда шуд. Мехоҳам ин лаҳза бо баъзе тағйирот шуморо ошно созам.
Минбаъд, оғоз аз ин рӯз барномаи «Ҳозирҷавоб» на дар соати 9:30, балки соати 10:00 дақиқа аз ҷониби ровӣ Эшқул Файзуллоев пахш мегардад. Шунавандагон бо раками 92-9-500-500 дар тамос шуда, бо ровӣ ҳамсухбат шуда метавонанд. Барнома ба таври мустаким аз рузи Душанбе то Ҷумъа аз соати 10:00 то 10:45 дар радиои «Тироз» (103,7 fm) ба мавҷ мебарояд. Бинобар ин аз шумоён шунавандагон ва истифодабарандагони мӯхтарам даъват ба амал меоварам, ки фаъол бошед, иштирок созед, донишҳои худро тақвият дода, сатҳи маърифатнокии худро баланд бардоред! Нисбати дигар барнома низ меҳоҳам ба истифодабарандагон паёмаке диҳам. Мухлисони барномаи «Номаҳо ба портали мо»! Шуморо хушхабар медиҳам! Акнун ин барнома боз бо Шумост! Он ҳамарӯза аз 11:00 то 12:00 чун пештара бароятон мустақиман пахш мегардад. Барномаи мазкур ҳам барномаи маърифатӣ – интерактивист. Шумоён тариқи рақами 92 -777-10-67 ба алока баромада, метавонед салому паёми хешро арза доред. Агар шумо аз сабаби банд будани хати алоқа занг зада натавонистед, метавонед дохили портали мо гашта, салому паёму хешро ба наздикону дӯстони худ расонед. Лекин акнун онро на Мутрибахон Алихонзода ва ё Зарнигори Рустам мебаранд, балки ровии хушилҳон Диловар Сафаров хоҳад бурд. Ҳамчунин дархости сурудҳои дӯстдоштаи худро аз ёд набароред, мо кӯшиш менамоем, дархостҳои шуморо сари вақт ва босифат иҷро намоем.
ШТРР «Тироз» чун ҳамеша хоҳони табъи болидаи Шумост! Мо умедворем, ки бо барномаҳои интерактивии худ ҷаҳони донишу марифати Шумоёнро таконе диҳем. Такони созандаву бунёдкорона баҳри ояндаи дурахшони ҷомеаи мо! Боқӣ саломату хуш бошед, истифодабарандагони азиз!
Нет комментариев