Таҷлили Рӯзи милитсия дар шаҳру ноҳияҳои вилояти Суғд

0
523 просмотров

Дар қасри фарҳанги ноҳияи Спитамен бахшида ба Рӯзи милитсия чорабинии идона доир гардид.

Раиси ноҳия Сулаймонзода Акрам Раҳим кормандони мақомоти корҳои дохилии ноҳияро бо Рӯзи милитсия табрик намуда, дар иҷрои вазифаи басо мушкилу масъулиятнок, рисолати пурифтихор ба ҳамаи онҳо барору комёбиҳо орзу намуд.

Таъкид гардид, ки кормандони милитсия дар давраи соҳибистиқлолии давлатамон санҷишҳои талхи таърихиро паси сар намуда, дар таъмини амнияти давлату миллат саҳми арзанда гузошта, борҳо исбот намудаанд, ки барои онҳо арзишҳои Ватан, Истиқлолият, Ваҳдат волою муқаддасанд.

Раиси ноҳия изҳор дошт, ки тибқи фармони Пешвои миллат мӯҳтарам Эмомалӣ Раҳмон ҳамаи 9 утоқҳои кории нозирони минтақавии ҷамоатҳои шаҳраку деҳоти ноҳия бо ҷалби соҳибкорон пурра таъмиру тармим гардида, ба ҳар як нозирони минтақавӣ аз ҷониби мақомоти иҷроияи ҳокимияти давлатии ноҳия як ададӣ ноутбукҳои замонавӣ, инчунин миқдории зарурии мизу курсиҳои корӣ ва ҷевонҳои деворӣ тақдим гардид.

Баъдан сардори шӯъбаи Вазорати корҳои дохилии Ҷумҳурии Тоҷикистон дар ноҳия Зуҳурзода Шамсиддин Боймурод кулли кормандони милитсияро бо иди касбӣ муборакбод намуд.

Чунин чорабиниҳои идона ҳамзамон дар ноҳияҳои Бобоҷон Ғафуров, Деваштич, Мастчоҳ ва дигар минтақаҳои вилоят низ баргузор шуданд.

 

Хадамоти матбуоти
Раиси вилояти Суғд

Нет комментариев

Также рекомендуем