Дар доираи нақша-чорабиниҳои Мақомоти иҷроияи ҳокимияти давлатии шаҳри Хуҷанд бахшида ба «Рӯзи Модар» дар Театри мазҳака-мусиқии ба номи К.Хуҷандӣ чорабинии тантанавии идона ва барномаи консертии пуршукӯҳ баргузор гардид. Дар ин ҷамъомади тантанавӣ бештар аз 700 нафар занони барӯманди шаҳру вилоят, собиқадорони меҳнат, пешқадамони истеҳсолот, ходимони давлатию сиёсӣ ва ҷамъиятӣ, роҳбарони воҳидҳои сохтории шаҳр ва фаъолзанон ширкат намуданд.
Дар оғоз муовини Раиси вилояти Суғд Назира Ғаффорӣ табрикоти Раиси вилояти Суғд Абдураҳмон Қодириро ба бонувони вилоят ва ҳозирин расонд.
Раиси шаҳри Хуҷанд Раҷаббой Аҳмадзода дар суханронии табрикотии худ занону модарони шарафмандро табрик намуда, саҳми онҳоро дар пешрафти тамоми соҳаҳои маркази вилоят назаррас арзёбӣ намуд.
«Боиси тазаккур аст, ки дар замони соҳибистиқлолии кишвар баланд бардоштани мақому манзалати зан ба шарофати сиёсати хирадмандонаи Президенти мамлакат, Пешвои миллат, Ҷаноби Олӣ мӯҳтарам Эмомалӣ Раҳмон вусъати тоза гирифт. Дар сатҳи Ҳукумати кишвар қабул гардидани чандин Барномаҳои махсуси давлатӣ хусусан интишори Фармони Президенти мамлакат «Дар бораи тадбирҳои баланд бардоштани мақоми зан дар ҷомеа», «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011-2020» далели гуфтаҳои болоанд. Ин маънои онро дорад, ки имрӯз дар қаламрави кишвар ва аз ҷумла маркази вилоят шаҳри Хуҷанд барои фаъолгардонии нақши занон дар ҳаёти иқтисодиву иҷтимоӣ ва сиёсиву фарҳангӣ шароит фароҳам оварда шудааст.»-аз ҷумла зикр намуд Раиси шаҳри Хуҷанд.
Баъдан барномаи консертии идона бо иштироки устодони санъат ва ҳунармандони маъруф Ҷӯрабек Набиев, Носирҷон Раҳимов Исроил Файзиддинов, Ҳасани Камол, Дилноза Кримова Карим Саидов, гурӯҳҳои рақсии «Парниён» ва «Зебо» пешкаши ҳозирон гашт.
Манбаъ: http://www.khujand.tj/tg/arhiv/1538—l-r—
Нет комментариев