Табибони Тоҷикистон ва Туркия мубодилаи таҷриба менамоянд

0
362 просмотров

Омӯзонидани мутахассисони тоҷик аз рӯи ихтисосҳои ҷарроҳии эндоскопӣ ва тандурустии ҷамъиятӣ бо таваҷҷуҳ ба ихтисосҳои вирусология, микробиологӣ ва эпидемиология  ба тариқи давраҳои омӯзишӣ-амалӣ дар шаҳрҳои Туркия, инчунин табодули таҷрибаи табибони Тоҷикистон ва Туркия дар соҳаи дорусозӣ зимни вохӯрии Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо Сафири Ҷумҳурии Туркия дар Ҷумҳурии Тоҷикистон Эмре Зекӣ баррасӣ гардид, иттилоъ доданд аз маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Зимни вохӯрӣ Ҷамолиддин Абдуллозода таассуроти худро аз иштирок дар Конференсияи рақамӣ ва Намоишгоҳи АвруОсиё-21, ки моҳи ноябри соли равон дар шаҳри Анталияи Туркия доир гардид, иброз дошта, барои даъват ва пазироӣ ба ҷониби кишвари Туркия изҳори миннатдорӣ намуд.

Тазаккур дода шуд, ки ҳамкории вазоратҳои тандурустии Тоҷикистон ва Туркия дар доираи созишномаи соҳавӣ аз соли 1996 оғоз гардида, имрӯз дар марҳилаи рушд қарор дорад.

Зикр шуд, ки аз ҷониби кишвари Туркия дар доираи баргузории ҷаласаи навбатии Комиссияи байниҳукуматии Тоҷикистон ва Туркия масъалаҳои таҳкими ҳамкории ду кишвар дар соҳаи тандурустӣ ва васеъ намудани имконияти дастгирӣ, баимзорасонии созишномаи нави байниҳукуматӣ дар соҳаи тандурустӣ ва илми тиб бо таваҷҷуҳ ба масъалаҳои  тандурустии ҷамъиятӣ ва пандемияи COVID-19 пешниҳод карда шудаанд, ки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон баҳри амалисозии онҳо ҳавасмандии хешро иброз менамояд.

Манбаъ: АМИТ «Ховар»

Нет комментариев

Также рекомендуем

Амри Президенти Ҷумҳурии Тоҷикистон

1.  Раиси шаҳри Душанбе ҷиҳати ба боғи «Низомиддин Алишер Навоӣ» иваз намудани номи боғи «50-солагии ҷавонон», воқеъ дар кӯчаи Беҳзоди шаҳри Душанбе, ба Маҷлиси вакилони ...

Сообщить об опечатке

Текст, который будет отправлен нашим редакторам: