Таҳиягарони Cicret прототипи аввали дастпона-проекторро намоиш доданд

0
307 просмотров

Дар охири соли гузашта,  стартап таҳти унвони Cicret, диққати  тамошобинонро ба фикри ғайриоддии пайдоиши  дастпонаи «доно» ҷалб намуд.

Ба андешаи барномасозон, дастгоҳ  мини проектори дастиро ифода менамояд, ки метавонад экрани смартфонро дар пӯсти дастони соҳиби он нишон диҳад. Сенсорҳои сохташуда бошанд, имконият медиҳанд, ки он аз дур аксари барномаҳои насбшударо назорат барад. Видеоролики рангоранги имкониятҳои  Cicret-ро намоишдиҳанда,  қариб 12 миллион тамошобинон ва миқдори зиёди шарҳҳоро ҷамъ овард.

Аммо бисёре аз шореҳон мафтун гардидани худро аз идеяи Cicret изҳор кардаанд. Онҳо бисёр далелҳоро пайдо карда, иброз намудаанд, ки чунин гадҷет гумон аст, дар асл офарида шуда, ба бозор ворид гардад. Бо вуҷуди ин, беш аз шаш ҳазор нафар одамон, барои лоиҳаи мазкур ва рушди минбаъдаи он маблағ ҷудо намудаанд.

Дар саъю талоши бартараф намудани шубҳаи одамони нуқтасанҷ, барномасозон видеоеро паҳн намудаанд, ки он тимсоли аввалини дастпонаи кориро муаррифӣ мекунад. Филми нав, бо ягон чизи махсусаш бартарӣ надорад. Аммо дар он мушоҳида карда мешавад, ки дастпона ким кадом акси ба экран шабоҳатдоштаро дар рӯи пӯсти дорандаи он намоиш медиҳад.  Илова бар ин, тасвир бо равшании нисбатан якхела фарқ  мекунад, ки он дар рӯшноӣ тира намегардад. Ҳамчунин он  таҳрифи геометрии қавӣ надорад. Ба ғайр аз ин, дурнамо (проекция) ба расиши даст ҳасос буда, дар баробари пахш намудани тугмаи дахлдор, расмҳои дар  галерея бударо мекушояд. Нурафкании намоёнро, муаллифони дурнамои видео, ба хусусиятҳои техникии камерае, ки ба воситаи он филмбардорӣ карда шудааст вобаста мекунанд:


Видеои дар дастгоҳ пешниҳодшуда, ҳанӯз олӣ арзёбӣ нагардида бошад ҳам, аммо намоиши он умедвор месозад, ки барноманависони он метавонанд ба муваффақият ноил гардиданд.

Бино ба маълумоти сомонаи Cicret, стартап  ширкати краудфандиро бо умеди ҷалби 850,000 евро (замони охир ҳаҷми сармоягузории зарурӣ, тақрибан 700 ҳазор ташкил медод) идома медиҳад. Дар баробари ин ширкат интизор аст, ки  марҳилаи коркардро дар давоми шаш моҳ ба анҷом расонида,  маҳсулоти тайёршударо ба бозор, то охири соли 2015 ва аввали соли 2016 пешниҳод созад. Тибқи баҳогузориҳои таҳиягарон, арзиши дастпонаи Cicret аз 200 то ба 400 доллар баробар аст.

Сарчашма:  matrix-tv.tj

Нет комментариев

Также рекомендуем