Таъиноти кадрӣ дар сохторҳои давлатӣ ва дипломатӣ

0
3 561 просмотров

Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон дар як қатор сохторҳои давлатӣ тағйироти кадрӣ ба амал оварданд. Ҳамин тавр, бо Фармонҳои Президенти Ҷумҳурии Тоҷикистон Назаров Ҳомидҷон Темурович — бо сабаби ба кори дигар гузаштанаш аз вазифаи Сафири Фавқулодда ва Мухтори Ҷумҳурии Тоҷикистон дар Ҷумҳурии Фаронса озод карда шуда, Убайдулло Ҷамолиддин Маҳмадсаид — Сафири Фавқулодда ва Мухтори Ҷумҳурии Тоҷикистон дар Ҷумҳурии Фаронса таъин карда шуд. Инчунин Абдураҳмон Қодирӣ — бо сабаби ба нафақа баромаданаш аз вазифаи раиси вилояти Суғд, Аҳмадзода Раҷаббой — бо сабаби ба кори дигар гузаштанаш аз вазифаи Раиси Кумитаи давлатии идораи замин ва геодезии Ҷумҳурии Тоҷикистон озод карда шуданд. Аҳмадзода Раҷаббой — иҷрокунандаи вазифаи раиси вилояти Суғд ва Ҳакимзода Қурбон — Раиси Кумитаи давлатии идораи замин ва геодезии Ҷумҳурии Тоҷикистон таъин карда шуданд. Фармонҳои мазкур барои тасдиқ ба Маҷлиси Олии Ҷумҳурии Тоҷикистон пешниҳод карда мешаванд.

Бо Қарорҳои Ҳукумати Ҷумҳурии Тоҷикистон Камолзода Фарҳод Воҳид — Раиси Кумитаи бехатарии озуқавории назди Ҳукумати Ҷумҳурии Тоҷикистон таъин карда шуд. Бо сабаби таҷдиди сохтори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Бекмуродзода Султон Бекмурод — аз вазифаи Сардори Хадамоти назорати давлатии фаъолияти фармасевтии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон,  Муҳсинзода Ғафур Муҳсин — аз вазифаи Сардори Хадамоти назорати давлатии фаъолияти тиббӣ ва ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, инчунин  бо сабаби таҷдиди сохтори Вазорати кишоварзии Ҷумҳурии Тоҷикистон, Таваров Ниматулло Ҳукматуллоевич — аз вазифаи Сардори Хадамоти давлатии фитосанитарӣ, карантини растаниҳо ва назорати тухмии Вазорати кишоварзии Ҷумҳурии Тоҷикистон  ва Икромов Фазлиддин Маҳмазоитович — аз вазифаи Сардори Хадамоти давлатии зотпарварии Вазорати кишоварзии Ҷумҳурии Тоҷикистон озод карда шуданд. Бекмуродзода Султон Бекмурод — Сардори Хадамоти назорати давлатии тандурустӣ ва ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таъин карда шуд.

 

Манбаъ: сомонаи расмии АМИТ «Ховар»

Нет комментариев

Также рекомендуем

Минэнерго объясняет рост цен на автотопливо

Министерство энергетики и водных ресурсов Таджикистана связывает существенный рост стоимости автомобильного топлива в республике с повышением мировых цен на нефть. «Основная причина подорожания топлива за ...