Таҷлили Рӯзи Модар дар Суғд

0
902 просмотров

Дар Кохи Рӯдакии маркази вилоят бо иштироки васеъи бонувону занони фаъоли шаҳру ноҳияҳои вилояти Суғд иди Рӯзи Модар ҷашн гирифта шуд.

Зимни суханронии табрикотии худ Раиси вилояти Суғд Абдураҳмон Қодирӣ модарону занонро бахшида ба рӯзи бузургдошти модарон таҳният гуфта, ба онҳо саломатӣ, офияти ҳамешагӣ, иқболи баланд, хонаи ободу осуда ва оилаи солимро таманно намуд.

Ба таъкиди Абдураҳмон Қодирӣ таваҷҷӯҳи Ҳукумати мамлакат ба масъалаи баланд бардоштани мақом ва манзалати зан дар ҷомеа, тавсияи нақши он дар ҳаёти ҷамъиятию сиёсӣ, иқтисодию иҷтимоӣ ва фарҳангию маънавӣ торафт бештар ба назар мерасад.

Зикр гардид, ки дар мақомоти қонунбарору намояндагӣ ва иҷроия, сохторҳои ҳукуматӣ, дар истеҳсолот ва соҳаҳои иҷтимоӣ ҳазорон нафар занон сарбаландона фаъолият бурда, дар пешрафти ҷомеаи навини мо ва ба шукуфоии Тоҷикистони соҳибистиқлол беш аз беш саҳмгузорӣ мекунанд.

Абдураҳмон Қодирӣ ҳамчунин гуфт, бо пешниҳоди Сарвари давлат дар Паём ба Маҷлиси Олии Ҷумҳурии Тоҷикистон соли 2015 дар кишвар “Соли оила” эълон карда шуда, ҳадаф аз он пеш аз ҳама тарбия намудани насли солим, омода кардани фарзандон ба ҳаёти мустақилона ва пойдории оила, баланд бардоштани сатҳи маърифати оиладорӣ ва таҳким бахшидани мавқеи оила дар ҷомеа мебошад.

Ҳамзамон таъкид гардид, ки мақомоти иҷроияи ҳокимияти давлатии вилоят соли ҷорӣ низ барои дастгирии ҳунарҳои миллӣ ва тарбияи бонувони соҳибҳунар, дӯзандагони моҳир, қолибофу сӯзанидӯз ва амсоли ин тадбирҳои мушаххас меандешад. Дар ин росто таъсиси  30 гранти мақомоти иҷроияи ҳокимияти давлатии вилоят, аз ҷумла 7 грант ҳар яке 10 000 сомонӣ, 5 грант ҳар яке 8 000 сомонӣ ва 18 грант ҳар яке 5 000 сомонӣ барои рушди ҳунарҳои дастӣ ва меҳнати хонагӣ муайян карда мешавад.

Раиси вилоят инчунин аз занону бонувон даъват ба амал овард, ки барои тарбияи насли наврас таваҷҷӯҳи бештар зоҳир намуда, барои ҳунаромӯзии фарзандон эътибори ҷиддӣ диҳанд.

Иштироки ҳофизону сарояндагон дар қисмати фарҳангӣ чорабинии идонаро шукӯҳи тозае зам намуд.

Дар ин бора sugd.tj хабар медиҳад.

Нет комментариев

Также рекомендуем

В России могут запретить лампы накаливания

Министерство энергетики РФ выдвинуло план мероприятий по энергосбережению, который был направлен в правительство. Как сообщает газета «Известия», план предусматривает запрет оборота 60 и 75-ваттных ламп ...
%d такие блоггеры, как:

Сообщить об опечатке

Текст, который будет отправлен нашим редакторам: