Тақрибан 5 ҳазор навъи шафтолу маълуманд

0
226 просмотров

Шафтолу дарахти начандон калони кӯтоҳумр мебошад. Дар соли 3-4-уми ҳаёташ ба мевабандй oғoз мекунад. Шафтолу низ дарахти ба хушкӣ тобовар буда, тақрибан 5 ҳазор навъи он маълуманд. Дар Тоҷикистон навъҳои маҳаллии шафтолу, аз қабили шафтолуи сафед, равғанӣ, говшафтолу, анҷиршафтолу, луччак, чиллагӣ, шафтолуи сурх ва ғайраҳо парвариш карда мешаванд.peach-846962_1280_990x910_0206990864

Ниҳолҳои навраси дарахти мевадиҳандаро одатан охирҳои тирамоҳ ва аввали баҳор кӯчат мекунанд. Барои шинондани ниҳол пешакӣ чуқурӣ мекобанд. Барои ниҳоли дарахтони тухмдор (себ, нок, биҳӣ) аз рӯйи тартиби 60×60 см ва барои дарахтони мевадонак (олу, олуболу, гелос ва ғайра) аз рӯйи тартиби 40×60 см чуқурӣ кофтан лозим аст.fresh-peach

Дар вақти кофтани чуқурӣ хоки ҳосилхези қабати болоиро ба як тараф ва хоки қабати поёниро ба тарафи дигар ҷамъ мекунанд. Пеш аз шинондани ниҳол ба чуқурӣ 1-2 кг пору 200-300 гр нурии фосфордор, 150-200 гр нурии калийдорро бо хоки қабати болоӣ омехта карда меандозанд. Инчунин, назорат бояд кард, ки гарданаки бехи ниҳол 3-5 см аз сатҳи хок болотар бошад. Баъд аз он чуқуриро хокпӯш карда, бехи ниҳолро зер мекунанд.20ebf355e42bcc72c2d446af2a047aa2 (1)Барои обмонӣ бошад, атрофи ниҳолро чуқурча карда, ба он 2-3 сатил об мерезанд. Баҳорон пеш аз ба нумӯъ cap кардани ниҳол навдаву шохаҳои зиёдатиро мебуранд, то ки ниҳол шакли муайянро гирад. Ҳар сол бехи танаро кофта, пору ва нуриҳои маъданӣ меандозанд. Дар баробари ин, дарахтонро аз ҷонварони хоянда ва дигар зараррасонҳо бояд муҳофизат кард.

Нет комментариев

Также рекомендуем