Таъминоти боэътимоди оби тозаи нӯшиданӣ барои сокинони шаҳри Душанбе

0
47 просмотров

15 январи соли ҷорӣ, Президенти Ҷумҳурии Тоҷикистон Эмомалӣ Раҳмон ва намояндаи доимии Бонки умумиҷаҳонӣ Ян-Питер Олтерс ба фаъолияти истгоҳи обполоии “Самотечная” дар шаҳри Душанбе оғози расми бахшиданд. Таҷдиди пурраи ин иншооти муҳим, ки 60 фоизи шаҳри Душанберо бо оби нӯшиданӣ таъмин мекунад, аз ҳисоби сармоягузории Бонки умумиҷаҳонӣ дар ҳаҷми 11 миллион доллари ИМА дастгирӣ гардид.

Истгоҳи обполоии “Самотечная”, ки дар соли 1952 сохта шудааст, аз солҳои 90-ум инҷониб таъмири асосиро надидааст. Азнавсозии пурраи истгоҳи мазкур, аз ҷумла сохтмони обполакҳои зудамали регӣ, дастгоҳҳои нави гидравликӣ, истгоҳҳои обкашии обполоии дубора ва қубурҳои баромади обполоии дубора аз обполакҳо то нуқтаи баромади об, имконият медиҳад, ки раванди комилан автоматикунонидашудаи тозакунии оби шаҳр амалӣ гардад. Барқарорсозии иншоот имкон медиҳад, ки сокинони пойтахт – шаҳри Душанбе бо оби нӯшидании мусаффо ва босифат  таъмин гарданд. Раванди комилан автоматикунонидашудаи обполоӣ дар истгоҳ имкон медиҳад, ки гипохлориди натрий, ки барои безараргадонии об зарур аст, дар ҳавзҳо пеш аз тақсимшавии об дар шабака илова карда шавад.

Дастрасии боэътимод ба оби тозаи нӯшиданӣ барои саломатӣ ва некӯаҳволии кӯдакон ва калонсолон муҳим аст,” қайд намуд Ян-Петер Олтерс, намояндаи доимии Бонки умумиҷаҳонӣ дар Тоҷикистон. Бо ин мақсад, Бонки умумиҷаҳонӣ дастгирӣ ва сармоягузориҳои худро ба инфрасохтори бахши об ва талошҳоро баҳри муосирсозии меъмории фарогири институтсионалӣ, идома ва афзоиш медиҳад.

Аз соли 2002 инҷониб, Бонки умумиҷаҳонӣ баҳри беҳсозии сифати хизматрасонӣ дар таъмини оби нӯшидании шаҳри Душанбе беш аз 50 миллион доллари ИМА сармоягузорӣ намудааст.  Ба қарибӣ, Бонки умумиҷаҳонӣ гранти иловагиро дар ҳаҷми 30 миллион доллари ИМА барои баланд бардоштани эътимоднокӣ ва бехатарии обтаъминкунӣ бо роҳи маблағгузории навсозии инфрасохтор, ба монанди иваз кардани қубурҳои об, дастгоҳҳои обкашӣ, қубурҳои корез ва сохтмони обанборҳо дар ноҳияи Синои Душанбе  — бузургтарин ва ноҳияи аз ҳама сераҳолии шаҳр, ки дар он тақрибан 350,000 аҳолӣ истиқомат мекунад, тасвиб расонид. Дар доираи дастгирии бахши об дар Тоҷикистон, Бонки умумиҷаҳонӣ баҳри беҳтар намудани дастрасӣ ба оби нӯшиданӣ дар ҳафт ноҳияи вилояти Хатлон ба наздикӣ маблағгузории грантиро дар ҳаҷми 58 миллион доллари ИМА пешниҳод намуд.

Nigina Alieva

External Affairs Officer

World Bank Tajikistan Country Office

48 Ayni Str., Business Center “Sozidanie”, 3rd floor, Dushanbe, Tajikistan

Tel: +992 48 701 58 07 (office) | +992 900 09 99 41 (mobile)

Web: www.worldbank.org/tj | Follow us on Facebook

 

Если вы нашли ошибку, пожалуйста, выделите фрагмент текста и нажмите Ctrl+Enter.

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: