Дирӯз Раиси шаҳри Хуҷанд Раҷаббой Аҳмадзода дар маросими оғози корҳои мумфаршкунии кӯчаи Дӯстии халқҳо ва Сангин Полвонов иштирок намуд. Чуноне,ки сокинони маҳалла дар сӯҳбат бо Раиси шаҳри Хуҷанд иброз доштанд, кӯчаҳои онҳо давоми 40 соли охир бори нахуст аз таъмир бароварда мешавад. «Тамоми корҳои ободонӣ созандагии шаҳрамон дар асоси дастуру супоришҳои Ҷаноби Олӣ, Президенти Ҷумҳурии Тоҷикистон мӯҳтарам Эмомалӣ Раҳмон буда ҳамчунин идомаи корҳои дар асоси барномаи роҳхои обод аст, ки аз ҷониби Раиси вилояти Суғд, мӯҳтарам Абдураҳмон Қодирӣ эълон гашта буд» Раиси шаҳри Хуҷанд Раҷаббой Аҳмадзода ба идораҳои хоҷагию манзилӣ ва коммуналии шаҳр супориш дод,ки дар баробари таъмири роҳ симчӯбҳои барқиро иваз намуда, дарахтони қади ин кӯчаҳо ба тартиб оварда шавад. Таъмири роҳ дар кӯчаҳои Дӯстии халқҳо ва Сангин Полвонов ба зиммаи Идорои роҳсозии шаҳри Хуҷанд гузошта шудааст, ки онҳо ният доранд то интиҳои ҳафта корҳои пешбинигаштаро ба анҷом расонанд. Масофаи кӯчаҳои таъмиршаванда зиёда аз як километр буда, 13 метр паҳноӣ дорад.Сокинон барои ин корҳои ободонию созандагӣ ба давлату ҳукумат ва мақомоти маҳаллӣ изҳори сипос намуданд. Дар ин бора аз хадамоти матбуотии раиси шаҳри Хуҷанд иттилоъ доданд.
Нет комментариев