Баҳри дар қарор додани Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» дар Донишгоҳи давлатии Хуҷанд ба номи академик Бобоҷон Ғафуров чораву тадбирҳои зарурӣ андешида истодаанд. Дар ин бора ба мо муовини ректори донишгоҳ оид ба тарбия Муъминҷон Шамсиддинов иттилоъ дод.
Ин манбаъ афзуд, ки Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» дурнамои нодир дар баланд бардоштани маънавиёт ва рушду такомули зарфиятҳои созандаи рӯзгор аст, зеро тайи солҳои охир бар асари коҳиш ёфтани робитаи мактаб бо ҷомеа ва оила тарбияи фарзанд ба мушкилоти рӯз табдил гардид. Маҳз ҳамин буд, ки зарурияти тасвиби қонуни махсусро тақозо кард. Зарурат пайдо шуд, ки масъулияти падару модар дар таълиму тарбияи фарзанд бештар гардад. Ин қувваи муҳим ва аввалиндараҷа, яъне масъулияти волидайн дар ҳамбастагӣ бо ҷомеа ва мактаб бояд ба беҳбудии таълиму тарбия таконе бахшида, рисолати ояндасозиро дар шуури насли имрӯз бедор намояд. Тавре, ки аз шарҳи қонун бармеояд, масъулияти волидайнро дар ин самт ҷоннок ва баланд бардоштан шарти аввал аст.
Мӯъминҷон Шамсиддинов гуфт, ки танҳо дар давраи аз феврали соли 2014 то феврали соли 2015 қонуни мазкур дар 40 ҷаласаҳои Шӯрои олимон, 119 ҷаласаҳои кафедраҳо, 75 ҷаласаҳои комиссияҳои корӣ ва беш аз 800 дарсҳои тарбиявӣ мавриди баррасӣ ва баҳрабардорӣ қарор дода шуда, оид ба мазмун ва мӯҳтавои ин қонун 219 лексия, 898 сӯҳбат, 154 вохӯрӣ, гузаронида шудаанд. Чорабиниҳои гузаронидашуда дар 22 дастурамалҳо, 20 мақолаҳо ва дар саҳифаҳои рӯзномаву маҷаллаҳо инъикоси худро ёфтаанд. Дар баробари ин чорабиниҳои гузаронидашуда, толору гузаргоҳҳои факултету кафедраҳо бо 79 овезаҳои инъикоскунандаи мазмуни қонуни дар боло зикргардида ороиш дода шудаанд. Дар ин бора аз Маркази иттилоот ва таҳлили раёсати донишгоҳ хабар медиҳанд.
Нет комментариев