Таърихи пайдошавии қолинбофӣ ба асрҳои 15 — 17 рост меояд

0
199 просмотров

Ҳунар беҳтар аз гавҳари номдор,

Ҳунармандро гавҳар ояд ба кор!     

Дар ҳақиқат, ҳунар сармояи гаронест, ки онро бо ягон дороӣ, сарват, симу зар иваз кардану харидан ғайриимкон аст. Ҳунар ба инсон бузургию шаҳомат бахшида, ӯро болидарӯҳ ва сарбаланд мегардонад. Ҳунар зиндагиро зебоӣ мебахшад. Шахси боҳунар дарахти босамареро мемонад, ки ба меваҳои болаззату хӯрданбоб монанд аст. Шахси боҳунар дарёеро мемонад, ки дар он ҳамеша оби зулолу ошомиданӣ мебошад.

Имрӯз дар бораи ҳунари қолинбофӣ сухан хоҳем гуфт.

Картинки по запросу ҚОЛИНБОФӢ

ҚОЛИНБОФӢ – ҳунари қадима буда, бино ба гуфти таърихшиносон таърихи пайдошавии он ба асрҳои 15 — 17 рост меояд.

Аслан, қолин, маснуоти бофандагии бадеист, ки одатан нақшу нигори гуногунранг дорад. Онро бештар барои гарм кардан, оро додан ва фурӯ нишондани садо ба фарши хона меандозанд ё ба девор меовезанд.

Картинки по запросу ҚОЛИНБОФӢ

Қолинро якқабата ва бисёрқабата, патдор ва бепат мебофанд. Қолин аслан патдор мешавад. Аз сабаби он ки баъзе гилемҳо патдор мешаванд, онҳоро ҳам қолин мегӯянд. Қолин матои бисёрқабатаест, ки ба торҳои асос дастаҳои алоҳидаи  ришта  ба  якдигар  зич (гиреҳҳои патдор) баста шудаанд; нӯги ришта (дастаҳо)-ро аз тарафи рости қолин як хел карда мебуранд, ки дар натиҷа пати зичи махмалин ҳосил мешавад ва асосу пудро мепӯшонад. Баландии пут аз 3 мм то 18 мм мешавад. Пат қолинро ғафс намуда, онро бадошт ва мулоим мекунад.

Похожее изображение

Қолин вобаста ба сифат (тарзи бофтан,  дӯхтан,  гулдорӣ), масолеҳ (пашмӣ,  патдор,  патагин), рангу бор, андоза ва нақшу нигори он ба намудҳои гуногун ҷудо шуда, қимати он ҳам аз рӯйи ҳамин хусусиятҳо муайян карда мешавад. Қолинҳоро инчунин, бо назардошти паташон мебофанд, ки онҳо қолинҳои паташон нобурида (ҳалқагӣ)-и муштарак, паташон бурида ва нобурида мешаванд.

Похожее изображение

Яке аз ҳунармандони бомаҳорату соҳибтаҷриба, бахусус қолинбофи болаёқат аз деҳаи Рӯмон, Ҷамоати деҳоти Ҳайдар Усмони ноҳияи Бобоҷон Ғафуров Алиҷон Ҷумъаев мебошанд. Зимни мусоҳиба ин ҳунарманди воқеан боистеъдоду мўъҷизаофар бароямон маълумоти хеле ҷолибро пешниҳод намуданд.

Медиапортали «Тироз»

Нет комментариев

Также рекомендуем