Таърихи пайдоиши торти шоҳонаи «Напалеон»

0
1 636 просмотров

Оё медонед, ки таърихи пайдошавии торти «Напалеон» бевосита ба императори Фаронса Напалеон Бонапарт алоқаманд аст? Мувофиқи маълумоти маъмултарин дастури тайёр кардани ин торт дар соли 1912-ум пайдо шудааст. Дар он давра ин торт набуд, балки як намуд ширинии оддӣ буд. Дар он замон мамлакати Русия 100-солагии озодшавии шаҳри Маскавро аз дасти фаронсавиҳо ҷашн мегирифт. Бинобар он барои ҷашнвора либосҳои мувофиқ дӯхта шуда, барои онҳо лавҳаҳои махсус ташкил карда мешуд, шеъру сурудҳои ватанпарварона эъҷод карда мешуд. Қаннодон низ аз фармоиши ҷамъиятӣ рӯ нагардонида, тамоми намуди шириниҳо, нӯшокиҳо ва таомҳои гуногунро дар шали қадимаи фазои таърихӣ омода карда буданд, ки гӯё дар назар он замони гузаштаи дур аз нав зинда шуда буд.Ҳамин замон шириние пайдо шуд, ки тарҳи он аз қабати на он қадар ғафс пӯшонидашудаи равғанин (крем) иборат буд ва он шакли чоркунҷаро дошт. Он ширинӣ аз як кунҷ ба кунҷи дигар бурида шуда, ба худ шакли секунҷаро мегирифт. Ин хӯрдании лазизро «Наполеон» ном ниҳода буданд. Ҳайрон мешавед, ки Бонапарт ба ин ширинӣ чӣ алоқамандӣ дошт? Гап дар сари он буд, ки агар ба ин ширинӣ ҳамин гуна номи мувофиқро намегузоштанд, шояд он аз байн мерафт. Зеро ширинии дар шакли  секунҷа бурида шуда сахт ба кулоҳи  императори Фаронса Наполеон Бонапарт монанд буд.Ҳоло ин ширинии секунҷа ба торт табдил ёфтааст, ки торти шоҳонаи «Напалеон» ном дорад ва ҳар кадбону онро аз рӯи дастури махсуси худ барои меҳмонон омода мекунад.

Зарнигори Рустам.

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: