Таърихи зиндагии як писарак

1
327 просмотров

Ӯ санаи 18-уми октябри соли 1960-ум дар  Брюссел, дар оилаи  муҳосибони белгиягӣ таваллуд шудааст. Аз лаҳзаи таваллуд ӯ писараки заифу гирёнчак буд ва ҳамеша дар атрофи чашмон бо доғи кабут мегашт. Зеро ҳамсоланаш зӯру қувваи худро ба ӯ нишон дода, кайфият мебурданд. Дар синни 11 солагӣ падараш ӯро ба омӯхтани дарси каратэ мебарад. Вале падар ин ҳангом ҳатто пай ҳам намебурд, ки бо ин амали худ тақдири ояндаи писараки худро муайян карда истодааст.

Писарак ҳамеша дар чашм бо айнак ва линзаҳои ғафс  мегашт. Ӯ чанд сол бо балети классикӣ машғул мешавад, ки дар натиҷа он ба писарак миллион доллар фоида меорад.  Вақте, ки ҳама толибон  пас аз тамом шудани машғулияти каратэ ба хона мерафтанд, наврас дар толори холии машғулиятӣ боз якчанд соат барои хуб омӯхтани нозукиҳои каратэ машқ мекард. Ҳамзамон наврас бо тайёрии психологӣ ва аутотренинг низ бисёр машғул мешуд ва ниҳоят аз болои нобоварӣ доштан ба худ ғолиб омада тавонист. Ин ҷавони наврас якҷоя бо калонсолон машқ мекард, зеро дар мусобиқаҳои каратэ синну сол ва сатҳи таҷрибанокии варзишгарон ба назар гирифта намешуд. Дар 16-солагӣ, ӯ дар қувваозмоии бонуфузе  ғолиб меояд ва дар даври ниҳоии мусобиқа бо варзишгаре, ки аз худаш ду баробар калон ва ду баробар вазни зиёд дошт, ба муҳориба баромадааст.  Мураббии ин наврас дарҳол истеъдоди ӯро эҳсос карда, шогирдашро талқин мекард, ки ӯ бояд чемпион гардад.  Мураббӣ нисбат ба дигар шогирдони худ ба ин наврас вақти зиёд ҷудо мекард ва машқу тамрини онҳо танҳо дар толори варзишӣ маҳдуд намешуд.

Дар давоми як ҳафта мураббӣ ба шогирди худ се-чор маротиба занг зада, ба хонаи худ даъват мекард.  Мақсади устоди варзиш аз ин амал дар он буд, ки ӯ мехост шогирдаш то ба хонаи ӯ расидан масофаи дуру дарозро бо давида омадан тай намояд ва ҳангоми баргаштан низ ҳамин хел давида равад. Мураббӣ мехост, ки шогирдаш дар ин самт ҳам аввалин шавад. Дар маҷмӯъ давидан се соат вақтро мегирифт. Бо мурури замон мураббӣ барои шогирди навраси худ машқҳои махсус барпо мекард. Ӯ ба шогирдаш чизҳои муҳофизати пӯшонида, ба пешаш саги калонро сар медод.

Дар соли 1978-ум ин ҷавони наврас соҳиби миёнбанди сиёҳ гардида, 8-уми марти соли 1980-ум дар даври аввали муҳориба ҳангоми чаҳидан  бо зарбаи пойи худ варзишгари олмони Дитрих Таргиллзро беҳуш карда, чемпиони Авропо дар байни варзишгарони касбӣ гардидааст. Дар аввали соли 1980-ум ӯ дар яке аз клубҳои шабонаи дилхушии Чак Норрис ба ҳайси посбон кор кардааст. Ин ҷавони соҳибистеъдод дар давоми  4 сол қариб ба тамоми студияҳои Голливуд бо пешниҳоди дар филм нақш офаридан занг задааст. Ниҳоят  дар соли 1988-ум ҷавон дар кино нақш офарид ва бо шарофати филми «Варзиши хунини» («Кровавый спорт») шӯҳрати ҷаҳонӣ пайдо кард. Дар охир аз ҳамин аз писараки заифу бемадор як ситораи маъруфи синамо Жан-Клод Ван Дамм ба воя расид.

 

1 comment

  1. admin 21 Май, 2015 at 14:22 Ответить

    Ачоиб….ман намедонистам, ки Жан Клод Ван Дамм дар хурди писараки камкувват будааст…

Опубликовать новый комментарий

Также рекомендуем

Король Нидерландов тайно работает пилотом одной из авиакомпаний

Король Нидерландов Виллем-Александр признался, что регулярно работает пилотом на пассажирских авиалиниях, оставаясь при этом инкогнито. Монарх дважды в месяц исполнял обязанности второго пилота на рейсах ...