Тарофаҳо ба алоқаи собитӣ дар Тоҷикистон баланд гардид

0
1 056 просмотров

Ширкати давлатии «Тоҷиктелеком» тарофаи зангҳои содиротиро аз телефонҳои собит баланд бардошт. Чӣ хеле, ки дирӯз дар нишасти матбуотӣ муовини раиси Хадамоти алоқаи назди Ҳукумати Ҷумҳурии Тоҷикистон Татьяна Холмуродова хабар дод, оғоз аз якуми моҳи январ, дақиқаи сӯҳбат бо телефони собит, ки ба «Тоҷиктелеком» тааллуқ дорад, ба ҷои 3,5 дирам 4 дирам гардид.  Ба ғайр аз ин, бино ба гуфти номбурда, арзиши зангҳо ба муштариёни ҳамагуна операторони алоқаи мобилӣ барои истифодабарандагони алоқаи собит,  4 дирам барои дақиқа, нарх ҳамон хоҳад монд. Ҳамзамон арзиши пардохти ҳармоҳа барои истифодаи телефонҳои собит баланд гардид: аз 2 сомониву 30 дирам то 2 сомониву 50 дирам.

«Шумо медонед, хизматрасонии алоқаи телефонӣ аз нерӯи барқ вобастагӣ дорад. Азбаски дар моҳи июли соли қаблӣ нархи нерӯи барқ дар кишвар баланд гардид, мо низ маҷбур гардидем арзиши тарофаҳоро дар алоқаи телефонӣ баланд бардорем», – зикр кард Холмуродова.

Айни ҳол дар Тоҷикистон 400 ҳазор муштариёни фаъоли алоқаи собитӣ ҳастанд. Инчунин дар кишвар 11,4 млн муштариёни операторони мобилӣ буда, танҳо 6,4 млни онҳо фаъол мебошанд.

Ба 100 нафар мардуми кишвар  78 пайвасти  телефонҳои мобилӣ рост меояд, хабар медиҳанд дар Хадамоти алоқа.

Манбаъ: matrix-tv.tj

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: