Таронаи муштараки Ҷӯрабек Муродов ва Шералӣ Ҷӯраев

0
616 просмотров

Суруди «Замон, замони мост» (Замон бизники) тоҷикиву узбекӣ садо дод. Аҳли толор, аз ҷумла сарони ду кишвар Эмомалӣ Раҳмон ва Шавкат Мирзиёев аз ҷой бархоста то анҷоми тарона қарсак заданд.

Нимаи дуюми рӯзи 9-уми март дар «Кохи Борбад» бо иштироки Президенти Ҷумҳурии Тоҷикистон мӯҳтарам Эмомалӣ Раҳмон ва Президенти Ҷумҳурии Ӯзбекистон мӯҳтарам Шавкат Мирзиёев, ҳамчунин ҳайати Ӯзбекистон ва зиёиёни тоҷик консерти «Шоми дӯстӣ» баргузор шуд.

Дар барнома устодони ҳунари Тоҷикистон ва Ӯзбекистон ширкат карданд. Дар оғоз Президентони ду кишвар суханронӣ карда, ҳар ду ҳам аз дӯстии мутафаккирон Абдураҳмони Ҷомӣ ва Алишер Навоӣ ёдовар шуданд.

Дар консерт ҷониби Ӯзбекистонро ҳунармандони маъруф Озодбек Назарбеков (бо суруди тоҷикӣ), Юлдуз Усмонова, Шералӣ Ҷӯраев, Фаррух Зокиров ва дигарон намояндагӣ карданд. Аз ҷониби Тоҷикистон ҳунарманди мардумии Тоҷикистон Давлатманд Холов, Мадина Ақназарова ва Ҳунарманди мардумии Иттиҳоди Шӯравӣ Ҷӯрабек Муродов, ансамбли «Шашмақом» ва дигарон баромад карданд.

Таронаи «Замон, замони мост» (Замон биздики)-ро Шералӣ Ҷӯраев ва Ҷӯрабек Муродов бо ду забон иҷро карданд. Ба истиқболи ин тарона ва  ду ҳунарманди дӯст тамоми толор аз ҷой бархоста, кафкӯбӣ карданд. Сабти суруд дар Сомонаи расмии Тоҷикистонтаймс ҷой дода шудааст.

То тавонӣ  дӯстонро гум макун,

Дӯстони меҳрубонро гум макун.

Дӯст ояд гарм дар оғӯш гир,

Расми хуби тоҷиконро гум макун,

Расми хуби ӯзбаконро гум макун.

Замон замон — бизнинг замон, даврон бизники,

Қӯлимизда йеру осмон, имкон бизникӣ.

Замон, замон- замони мо, даврон аз они мост,

Замин осмон дар дасти мо, имкон аз они мост.

Манбаъ: Сомонаи расмии Тоҷикистонтаймс

Нет комментариев

Также рекомендуем

Оценка трансграничных водных аспектов. Реалии и перспектива.

Проблемы совместного использования трансграничных Водных Ресурсов Проблема совместного использования водных ресурсов в Центральной Азии не теряет своей актуальности. За 25 лет независимости странам региона удалось ...